拍無綫劇一波三折  周麗淇感激李添勝癡癡等  2011/12/09 蘋果日報

http://fatzone.org/news1/apple/art_main.php?iss_id=20111209&art_id=15875514

周麗淇（ Niki）接拍無綫劇《我的如意狼君》時，因為五大與無綫的版稅風波而有阻滯
，幸當時劇集監製李添勝表明非她不拍，縱使現在劇集完成且已經推出，但 Niki講起添
哥等她拍攝一事仍非常感激，又笑言以前與他是有緣無份。

無綫和五大唱片公司於 09年尾鬧出版稅風波，周麗淇當時所屬的 BMA也是五大之一，令
 Niki一度被飛出無綫劇《我的如意狼君》，惟李添勝當時開腔力撐 Niki表示「等硬佢」
，最後 BMA跟 Niki解約，令她可與無綫簽部頭約繼續拍攝。

Niki非常感激李添勝堅持用她，故份外畀心機拍好《我》劇。

「做得比平時好」

對於添哥如此錫她， Niki笑指兩人之前是有緣無份，她說：「之前同添哥係有啲緣份㗎
，不過走埋一齊就唔容易。之前有幾次添哥想搵我都檔期唔啱，所以今次合作到好難得。
」

她又感激添哥堅持用她：「添哥真係付出咗好多，好多謝佢唔只煩拍劇嘅嘢，仲煩埋我合
約問題，既然身為監製嘅佢都同我講呢個角色預咗我，我就唔會放棄，仲會做得比平時更
加好。」

Niki在《我》劇中的角色徐芯性格倔強，雖是女兒身卻成為家族生意的大當家，對內對外
也要裝出堅強模樣， Niki坦言自己與徐芯一樣倔強及不可被別人看輕，她說：「有時人
哋會覺得我未必做得到嘅，我會再加多幾錢肉緊係要做到為止，所以人一定要不斷進修先
可以令人哋服嘅。」

自稱感情空白

談到與鄭嘉穎的緋聞至今仍被人拿來做話題， Niki沒好氣地表示被問到沒感覺也不介意
，現時的感情生活如何？她自稱一片空白：「一向都唔多講，總之鶽家每日都過得充實咯
。」

採訪：文國駿　攝影：陳志嵐髮型： Coren Cheung of Hair
服裝： PENDLETON of I.T.、 SONIA of I.T.場地：彌敦酒店