跳出去 鍾嘉欣

http://www.tvbchannel.com/jump-linda.html

剛播畢的劇集《當旺爸爸》，讓鍾嘉欣百感交集，拍攝時雖令她叫苦連天，但與「家人」
相處融洽，可惜拍畢後便各散東西，尤其是合作多年的馬浚偉與監製梅小青相繼宣布離巢
，老拍檔一個個地走。面對這次電視大戰，嘉欣強笑地說：「唔會冇合作機會，有緣分好
快會再見。」話中似乎帶有玄機，難道意味小妮子也有離巢的打算？

暫別情侶檔

《當旺爸爸》收視平均30點，最高35點，成為無綫暫時最高收視的劇集。對於收視好，嘉
欣表示：「當然開心！這套劇是我拍劇以來，最有屋企feel的一套。今次劇本真係好細緻
，大家合作好開心，好似一家人咁真。收視好，代表大家的努力冇白費，我亦很喜歡高如
珠這個角色，好開心、好多正能量。」

面對着電視大戰而掀起的「離巢潮」，入行8年的嘉欣看着戰友逐一離開，她說：「好多
人問會否唔捨得？冇唔捨得，其實呢個圈好細，他們轉了第二間公司，係咪代表再冇合作
機會呢？我覺得如果有緣分，好快會再見。」

字裏行間好像意味點甚麼，嘉欣卻即時補充：「況且私底下大家也可以約出來吃飯，所以
OK！」話雖如此，但嘉欣入行後首套劇《皆大歡喜》，與馬浚偉合演情侶後，接着的《金
石良緣》、《老友狗狗》、《蒲松齡》及《當旺爸爸》都奠定了這對「情侶檔」很work，
嘉欣亦話：「在這行，很少會在5套劇中都一齊演情侶，就算當年陶大宇與郭可盈，都只係
在續集中才再續前緣。這緣分係好難得，所以我會珍惜。」

突爆爛Gag

說到維繫感情，相信嘉欣是個高手，無論與同事，抑或與她分隔異地的家人。能夠與父母
及家人感情要好，嘉欣的確花了不少時間及苦功，「每天起身我就會開ipad，然後連接視
像，我刷牙時媽咪都會見到，就算只得兩分鐘或半小時，都會盡量跟家人傾偈，每日亦會
跟他們講I Love You。」

嘉欣謂中國人好要面子，不會隨便跟人說「I Love You」，尤其是對最重要的家人說，她
解釋：「永遠唔會知明天是怎樣，係咪要失去才發覺太遲？點解唔勇敢去講？」所以嘉欣
最近成功爭取放假1個月，便急不及待返回加國，與家人共聚之餘，順道慶生。

嘉欣與家人的感情很直接，亦坦言大家一定有拗撬，通常都會有人認低威，沒錯！往往認
低威的都是乖乖女嘉欣。她笑言：「哈哈！我個名叫鍾嘉欣係好啱，我個人成日好中間，
希望所有嘢都平均。」

說罷，身邊的化妝師、髮型師及宣傳人員，都用「藐」爆的態度對這個爛gag，但嘉欣卻自
顧自地繼續解釋：「有時朋友間有拗撬，兩方分別同我傾時，都會希望得到我支持，但最
後我都只會站在中間位，找方法讓大家舒服一點。」

性感拍廣告

在無綫拍劇出名辛苦，尤其正值博上位階段的嘉欣，拍劇時的休息時間往往只得2-4小時
。尤其拍《當旺爸爸》時，雖拍廠景群戲多，但大部分外景都由她與馬浚偉包辦，故休息
時間好少，加上片中她飾演女警，不時要在街上跑來跑去，有時一跑便10個8個鐘，回到
家真的苦不堪言。

「每逢有小休時間，就算只得個幾鐘，我都會回家沖涼Relax一吓，沖走攰氣及壓力。」
嘉欣更透露沖涼時最喜歡唱歌仔，至於沐浴露則喜歡含有杏仁和橄欖成分，「沖涼後我唔
鍾意皮膚有繃緊的感覺，所以沐浴及護膚品的滋潤性好重要，尤其是香港的天氣好唔穩定
，今日濕度20%，明天卻可以升到80%。有時我會用杏仁和橄欖的精華油DIY護膚品，例如
做hair mask或者加糖做磨砂。另外，沖完涼後身體水分唔好抹走，我會趁仲有少少濕的
時候，塗上保濕產品。」

最近擔任滴露代言人的她，表示自己皮膚又乾又敏感，她高呼：「好麻煩！所以我試過冇
問題的產品，都一定安全！」談到拍攝淋浴露廣告時，向來乖乖女形象的嘉欣，也稱這輯
廣告好性感，不過自言大個女的她，是時候來個轉變！

撰文：v.shek

攝影：Wong Ka Long 髮型：Karman Wong @ Hair Culture 化妝：Jessica Chan