怨氣王 Laughing寸幼稚 谷爆馬浚偉停廠罷工
2011/09/21 Face周刊226期
公司知道我態度喇！
上週五，有傳因謝天華在慶功上寸馬仔太幼稚，激到馬仔而停廠，週日（ 18日）馬仔再
為《當旺爸爸》開工，更直言：「我拍完呢套劇就返大陸喇！」
自從年頭殼王陳國強入主 TVB後，改朝換代已夠煩，加埋早前志雲案和無綫姐仔小生個個
趁勢北上掘人仔，連首席花旦佘詩曼都忍唔住金錢誘惑執包袱。
但最近馬浚偉自爆受到不公平待遭之餘更決定同無綫提早解約。最嬲係啱啱靠 Laughing
哥翻生的謝天華竟公開話佢「唔成熟」。據知嬲爆馬仔上週五晚激到停廠抗議，老馬今次
真係有火o架！
96年由歌手轉型拍劇， 40歲馬浚偉多次訪問中講多得珍姐（曾勵珍）提攜，馬仔效力無
綫 18年， 06年更賣身改簽經理人合約，正式成為親生仔，主演電視劇套套收視成績皆理
想，有無綫「福將」之稱。不過呢位「福將」並沒受特別厚待，次次選視帝有提名冇獎攞
，最近《紫禁驚雷》跟《潛行狙擊》一樣高收 40點但零祝捷，加上有傳馬仔想北上拍《
建元風雲》，樂易玲以合約所限為由唔批，搞到馬仔對公司死心要提早解約。
早前大結局的《紫禁驚雷》結局篇最高收視有 40點，馬仔飾演的聶多寶更被指有機會角
逐視帝。
大家都係 40點收視，但《潛行狙擊》有慶功搞，有指此舉令馬仔不滿而成離巢導火線，
上週四（ 15日）馬仔在微博表示事情不是這麼簡單！
嬲到失蹤
馬仔玩解約，同樣有份爭逐今年視帝嘅謝天華，於上週四（ 15日）出席活動時，竟暢所
欲言勁寸馬仔幼稚：「如果佢（馬仔）咁諗，思想未免唔夠成熟，好似小朋友怪父母唔買
嘢佢玩咁。」
據知情者透露，謝天華寸爆說話出咗街後，令原本谷住度氣的馬仔更加嬲爆：「馬仔睇完
真係好嬲呀，嗰晚（上週五）原本佢有場《當旺爸爸》嘅廠景通告，佢都嬲到冇去拍，仲
連電話都唔聽玩失蹤。」
樂大媽緣分薄
馬浚偉一向是無綫戲劇部總監曾勵珍愛將，馬仔對珍姐尊敬有加，但對於另一高層樂易玲
，馬仔卻以「緣分薄」來形容。
跟無綫提出解約以來，馬仔連續幾日在微博發功，先表示「結果，知道很痛」，又話有人
「天天在演」，字字有骨。
「我返大陸喇！」
週日（ 18日），馬仔才「復工」，與同劇鍾嘉欣、蕭正楠及工作人員喺油麻地廟街附近
，拍攝《當旺爸爸》外景，就離巢一事馬仔話：「總之所有嘢都一路傾緊，遲啲吖，遲啲
先有決定。（樂小姐有冇打過畀你？）暫時我未有同公司聯絡，稍後啦，因為都要啲時間
處理，處理好後會公布，公司知道晒我嘅態度喇，我拍完呢套劇都返大陸喇！（咁返上去
又係頒獎禮嘅時候？）哈哈哈……呢個已經唔係重點啦！哈哈哈……」人都走咯，攞唔攞
獎都唔志在啦！
我撐馬仔！
在《當旺爸爸》中，馬仔拍住鍾嘉欣做男女主角，對於馬仔被寸幼稚，鍾嘉欣口快快說：
「我撐馬仔！」
王喜（左）、馬浚偉（右二）和黎耀祥（右）都是無綫總經理陳志雲（左二）的愛將，馬
仔更盛讚志雲恪守承諾。
怨無綫大細超
有傳無綫阻止馬仔北上孖阿佘拍《建元風雲》，令雙方關係惡化，加上不滿無綫大細超，
不為同樣收視高開的《紫禁驚雷》開慶功，結果樂易玲和 Laughing哥輪住反擊！
樂易玲：佢唔係第一次表現唔開心，佢同陳志雲、珍姐都有講過，有次佢飲咗啲酒，同梁
乃鵬先生（無綫副行政主席）訴苦，講到熱淚盈眶！
謝天華：佢太唔成熟，小朋友咗啲，好似父母買玩具，買畀我，唔買畀佢。
熱做小馬
喺無綫撈咗 18年嘅馬仔馬浚偉，幫無綫拍過唔少電視劇，可惜都只係得個做字，同視帝
總係無緣。其實馬仔一向喺擔正做主角的劇集收視唔錯，其中《鐵血保鏢》更加最高有
42點收視，契仔林峯都未有咁嘅成績。
06做保鏢最高 42點
馬仔 06年憑《鐵血保鏢》攞咗「我最喜愛的男角色」。劇中佢飾演尚智一角，拍住姚子
羚做夫妻，最高收視有 42點。
09玩狗仔最高 35點
同鍾嘉欣演情侶嘅《老友狗狗》，馬仔做圍村仔周用恭，勝在形象夠地痞，最高收視 35
點添。《蘋果日報》圖片
10人鬼戀最高 41點
馬仔做古裝一向有計，即使未上前被人一致睇淡的《蒲松齡》，孖住鍾嘉欣搞人鬼戀，一
樣奇蹟地最高有 41點收視，亦令馬仔得到當年十大我最喜愛電視角色獎。