胡杏兒愛出面選澤稱視帝   2011/09/02 東方日報

http://orientaldaily.on.cc/cnt/entertainment/20110902/00282_061.html

被視為視后大熱的胡杏兒，最近劇接劇狂谷人氣。她自稱「時辰未到」，未敢登上視后寶
座，但「愛郎心切」的她不避嫌力讚黃宗澤在新劇表現好，有機會揮低所有對手而稱帝。

杏兒與李思捷日前到土瓜灣拍攝新劇《換樂無窮》（暫名），首次飾演夫婦的他們除了撐
枱腳食麵外，杏兒之後更要替滿嘴雪糕的思捷抹嘴，相當甜蜜。合照時，杏兒大嗌思捷做
「老公」，擺明當「男友」黃宗澤透明。

對於被捧為視后大熱，杏兒謙稱言之過早：「要睇埋台慶劇《萬凰之凰》嘅反應先知。」
她又感謝鍾嘉欣出口力撐：「佢都好可愛。」問到視哪位花旦為勁敵？她即大賣口乖：「
個個都好好，楊怡、法拉、子珊同嘉欣都OK呀！（佘詩曼離巢，覺得係咪多咗機會？）睇
角色發揮，鄧萃雯都攞咗兩屆啦！」

冇諗一齊攞獎
提到「男友」黃宗澤獲兩屆視帝黎耀祥睇好，憑《潛行狙擊》的「跛Co」熱爆視帝寶座，
杏兒即甜笑「派Like」，不避嫌睇好對方稱帝：「佢做得幾好呀！（有機會揮低Laughing
哥謝天華？）睇埋大結局先知，不過有祥仔讚好都係指標。（恨唔恨一齊攞獎？）冇咁諗
過喎！攞獎講天時地利嘅。」

恨演成熟角色
對於黃宗澤獲曾志偉力捧進軍影壇，杏兒亦不讓「男友」專美，她透露下月將為杜琪峯新
片參加「威尼斯影展」：「一定唔會諗提名，當見識吓。我都想演多啲成熟嘅角色，無論
電影定電視。」此外，現時不少明星都會公開戀情，杏兒對此說：「好多外國藝人拍拖結
婚都公開，係香港娛圈太奇怪！其實唔想公開都係費事煩。（你同黃宗澤都係？）好多人
都係，哈哈！」

李思捷搞笑功夫一流，經常氹得杏兒笑逐顏開。

杏兒與李思捷於新劇飾演夫婦，甜蜜食雪糕。