鍾嘉欣黃宗澤《護花危情》分手戲

http://www.ihktv.com/drawing-a-crisis-situation-breaking-up.html

鍾嘉欣呢排嘅感情生活認真麻麻，啱啱至同吳卓羲嗌大交，噚日又同黃宗澤雨中分手，認
真慘情，唔怪得佢龍年願望係感情上有進展啦！不過嘉欣接連被飛，講緊嘅都係劇情啫！

嘉欣噚日喺九龍城同黃宗澤為無綫劇《護花危情》拍外景，劇情講佢哋喺雨中講分手，不
過現實生活中，嘉欣話通常都係和平分手，加上拍拖經驗唔多，未試過雨中分手嘅滋味。

黃宗澤同鍾嘉欣講分手，表現得滿不在乎。

G.E.M.喺微博鬧爆吳卓羲拒翻躂鍾嘉欣，果然入戲。

G.E.M.鬧爆吳卓羲
呢排嘉欣喺《缺宅男女》同吳卓羲喊晒分手，得到唔少同情心，就連小妹妹都要求合照呵
番「嘉樂」，嘉欣好開心話觀眾幾受落佢同謝天華嘅一段情，自己演出又有好口碑，希望
收視繼續升。問到佢嘅感情生活又點，嘉欣就話：「希望新一年愛情有進展啦，我新年專
登放三日假休息，搵周公拍拖！」

一向關心嘉欣喺《缺宅》可唔可以同番吳卓羲一齊嘅鄧紫棋（ G.E.M.），睇咗本報知道
咗結局話吳卓羲拒翻撻不忠嘉欣，忍唔住喺微博話：「神經啊！那麼好的女朋友也放棄！
明明那麼愛她，為甚麼要放棄！」