吳卓羲大波out

2010-10-22 忽然一周795期

勾義嫂冇難度！（設計對白）
吳卓羲一口否認追求鍾嘉欣，仲話對佢冇感覺，但鍾嘉欣就承認試過同吳卓羲撐枱腳。

向來負面新聞一籮籮嘅吳卓羲，近大半年來專心工作，再冇乜負面新聞，形象好轉。可惜
，近日又傳佢勾義嫂，硬撬林峯牆腳，狂追鍾嘉欣。辛苦建立嘅形象又冇晒。

上周四（ 14日），吳卓羲有份主演嘅新劇《抉宅男女》開鏡拜神。劇中第一男主角係苗
僑偉，跟住係謝天華，吳卓羲只排第三，而女主角就咁蹺係鍾嘉欣。唔知係咪要同鍾嘉欣
避嫌，吳卓羲喺拜神儀式上神出鬼沒。到齊人切燒豬時，佢遲咗埋位，結果要企喺大側邊
，鏡頭唔夠 wide都影唔到佢。

如果佢再係咁公私不分，唔單止影相排位，恐怕連事業都會大波 out！

多啲嚟，密啲手囉！（設計對白）

監製同全部主角埋位切燒豬，獨唔見吳卓羲，苗僑偉仲大聲叫佢埋位。

到全人類埋晒位，吳卓羲至喺人堆後出現。

結果佢要大波 out，企喺最側邊，仲成副遊魂咁樣。

繼續抄

TVB嘅抄襲熱潮真係長抄長有。好似呢套《抉宅男女》就被指係抄襲大陸 hit爆嘅電視劇
《蝸居》。鍾嘉欣飾演嘅角色，就係《蝸居》女主角，為向上爬而作不道德交易嘅海藻。
鍾嘉欣亦坦誠：「監製有叫我睇《蝸居》，參考『海藻』一角。」

至於監製張乾文被問及抄橋一事時，好輕鬆咁答：「住屋問題香港同上海都一樣，有好嘢
當然要分享同發揚光大。俾香港觀眾一個宣洩機會。」唉，最怕到時係愈睇愈火滾咋。

鍾嘉欣直認監製叫佢參考《蝸居》中海藻一角點演繹。