吳卓羲鍾嘉欣唔啱嘴型

2010-10-21 壹週刊1076期

有報導話吳卓羲勾二嫂偷撬鍾嘉欣，搞到同好兄弟林峯反晒面！咁啱上個禮拜四（十四日
），無綫新劇《抉宅男女》舉行開鏡拜神儀式，榮升新緋聞男女組合嘅吳卓羲鍾嘉欣，根
本冇兩句，吳卓羲顧住玩 iPhone，之後就黐實謝天華玩搶燒豬皮。

八珍雖然唔係瞓鍾嘉欣床下底，不過就聽聞佢擇偶條件首選英文流利嘅 ABC，樣貌其次，
最緊要有內涵，以上條件，去過加州讀建築嘅林峯，比較接近，之但係鍾嘉欣早已心有所
屬，就係响芝加哥長大，七歲開始習武，擅長蔡李佛南拳、詠春同跆拳道，連謝霆鋒都嗌
佢做師傅嘅伍允龍。

話時話，伍師傅到而家仲經常現身鍾嘉欣位於將軍澳新都城嘅香閨，試問吳卓羲連「賣飛
佛」都講得出，又點有鬼妹仔吼呢！

謝天華攞住塊燒豬皮影相，吳卓羲作狀埋去搶，冇非想搞吓事，等記者影多兩張相。

拜神儀式上，鍾嘉欣只係黐住 JJ賈曉晨，同吳卓羲根本冇兩句！

因為試過太高調搵男友伍允龍做 MV男主角，鍾嘉欣曾經俾公司警告要將「真」情保密，
同林峯傳吓就冇所謂，當做宣傳。