安樂窩 補習天后家姐帶挈 關二嫂唐樓搬豪宅脫貧

Face周刊246期

難得唔使開工，黃智雯上週便四出 shopping，問到佢最近升呢搬入豪宅，她說：「層樓
我同家姐租o架咋！」

黃智雯因《缺宅男女》演八婆關二嫂而升呢，今週結局篇更與大佬安苗僑偉反大面，幾百
萬觀眾(目及)到實。

入行 5年， 29歲黃智雯一向只做二、三線角色月入有限，但最近卻忽然富貴，搬入市值
約 560萬的新蒲崗「譽．港灣」豪宅。關二嫂成功殺入豪宅，原來全靠有位補習天后家姐
 Cathy Wong帶挈。有富貴家姐照住，黃智雯脫貧話咁易啦！

黃智雯在《缺宅男女》飾演的關二嫂，八婆形象深入民心，觀眾睇到咬牙切齒帶挈黃智雯
呢期大熱，接住下星期播映的新劇《 On Call 36小時》，更會與楊怡爭愛羅仲謙，話題
有排講。

家姐 TVB出鏡

帶挈黃智雯住豪宅的家姐 Cathy，現於英皇教育教英文，但她並沒有像其他補習天王般勁
賣廣告。反而最近同欣宜男友 Mark一齊於無綫收費兒童台教英文，兩姊妹一齊喺無綫出
鏡。

新蒲崗長大

雖然人氣急升，不過黃智雯始終未係一線姐仔，未有廣告接，只靠 TVB月入始終有限；雖
然入行前做過 3年空姐，但積蓄都用來投資媽媽在灣仔大有商場的美容化妝品店，所剩無
幾。

對於最近有報道指關二嫂屈住新蒲崗舊樓，週一（ 6日）於美容店內睇鋪的黃媽則說：「
嗰度係佢阿爸嘅，我哋離咗婚 20多年，不過佢（黃智雯）一直都喺新蒲崗長大，o依家同
家姐住，不過你哋唔好寫咁多啦，佢附近品流複雜，怕有 fans等佢呀！」

不過記者近日發現一直於新蒲崗舊區生活的黃智雯，已搬到區內新貴「譽．港灣」、 7百
多呎市值約 560萬、月租約$17,000的兩房單位，關二嫂成功進駐新晉豪宅，原來全靠有
位做補習天后的家姐 Cathy。

Cathy在英皇教育教授英文， Miss界中算省鏡，上月起英皇教育與 TVB收費兒童台合辦兩
個節目《補習升 Level》及《極速拼寫講》， Cathy都是主要女主持，拍檔是鄭欣宜男友
 Mark Ryan，黃智雯同家姐都孖住入 TVB撈起。

其實黃智雯貴為無綫新貴，出入唐樓當然有失身份，至最近才決定搬往家姐豪宅，唔失禮
之餘又有家人方便照顧，可謂一舉兩得。週日（ 5日）黃智雯出席《缺宅男女》宣傳活動
，回應有位補習天后家姐一事時，黃智雯不再巴渣惡樣，不過對家人仍不願多談：「譽．
港灣係我同家姐租o架，佢邊係補習天后，教書咋！佢只係普通人，打工仔 嚟 啫，家姐
同屋企嘢唔答喇。」今日有家姐帶挈，他朝黃智雯紅咗記住報答家姐呀！

560萬豪宅
黃智雯的新居市值約 560萬，雖然係租住，但以黃智雯今時今日人氣，好快可以買番層啦
。

48年舊樓
而之前有雜誌報道的屈住唐樓地址，原來只屬已經離婚的黃父所有， 86年購入，現時市
值約 250萬，而黃母亦說：「嗰度係佢阿爸同啲家人住！」

黃母：離咗婚 20幾年
黃母看鋪親力親為，問到她身後是否男友時，黃母忍唔住笑點頭，跟住說：「佢姓葉，
 partner o架咋！」做乜咁怕醜呀！

於灣仔大有商場開設美容用品店的黃母，對於黃智雯身世亦不避嫌說：「佢好叻女， 8級
鋼琴＊，我哋（黃父）離咗婚 20幾年啦，佢（黃智雯）一直都喺新蒲崗長大，佢都擔心
關二嫂會好乞人憎，不過我叫佢唔使驚，做得好就得啦！」

上樓按腳

雖然貴為無綫新紮小花，不過生活仍然平民，上週六（ 4日），黃智雯就揸車到九龍灣一
間上樓足浴店按腳，腳底按摩連穴位推拿都係$240。
百變關二嫂

黃智雯由「鵪鶉妹」變惡新抱，現實中的她也非常百變，在演藝學院畢業後做過 3年空姐
，之後參選香港小姐入圍五強，才成功成為演員。

'02演藝黑妹
黃智雯 10年前就讀香港演藝學院主修舞蹈，當時只得 20歲，皮膚黑又男仔頭，跟現在差
別好大。

'05為食空姐
演藝學院畢業後，黃智雯在國泰任職空姐，她說想去的地方都去過了，而非常為食的她，
經常把食物照片放上 blog，她也稱那是她最肥的時期。

'07港姐性感
07年黃智雯為加入娛樂圈而參加港姐，打入五強止步（冠軍張嘉兒），雖然冇獎攞，但成
功簽約無 綫成為演員。

'11最愛婆婆
雖然在《缺》劇中她為搶公屋，不惜趕絕家人，但現實中她卻非常孝順，去年她為婆婆慶
祝生日，也將照片放上 TVB的微博。