博 セ呀 關二哥襟撈 梁烈唯世界 friend

Face周刊246期

入TVB前已認識陳敏之，兩個識 咗接近 10年，情同姊弟。

《缺宅男女》本週結局篇，彈出嘅唔係鍾嘉欣吳卓羲，更加唔使講三哥同郭羨妮，而係由
頭乞人憎到尾嘅關二哥同關二嫂！

關二哥劇中又廢又鵪鶉，仲搞到有抑鬱，估唔到現實中梁烈唯（唯唯）唔只開朗活潑又搞
笑，而且人緣超好勁多 friend，路見不平仲會即刻喺微博開火喪鬧。醒目又有火，第時
肯定唔會俾老婆恰啦！

《缺宅》結局篇講關二哥兩公婆為 咗呃埋阿媽間居屋而私自轉名，搞到四兄弟姊妹反面
收場。縮骨又自私，但唯唯真人其實不知幾有義氣，得閒會落表哥跑馬地間「大少爺茶餐
廳」幫手執頭執尾，連車馬費都唔收，仲不時喺微博免費宣傳，兩老表感情好過親兄弟。

群星拱照

一場親戚乜都冇計。入行 10年、拍劇 8年嘅 32歲唯唯對朋友原來都好好，所以圈中有大
量真心 friend，由前輩黃日華、苗僑偉，到歌星幫草蜢張智霖，連索腿天后陳敏之都當
佢自己人，經常圍埋一齊吹水食飯。人面廣，除 咗因為識做人，唯唯契姐、蔡一智老婆
周雪芳亦介紹唔少相熟藝人畀契細佬，喺唯唯微博亦見到佢同劉華等巨星合照！

夠襟撈，但唯唯亦曾經做過過街老鼠，人見人憎。佢話初入 TVB時以為自己好紅好有戲，
 19歲已經做過電影男主角，高峰期試過一個月閒閒哋搵 6、 7萬，年少囂張搞到冇監製
肯用，好在陳敏之同陳豪點醒佢，先肯收斂脾氣唔再自大。

咁多人撐，唯唯上週五回應：「我好好彩身邊有好多好朋友，同埋我觀察過華哥同三哥點
樣待人接物，加上自己大個仔，又睇 咗好多關於哲學 嘅書，例如《人性的弱點》同《與
神對話》，睇完就覺得自己其實好渺小，唔應該將自己放到咁大！」知錯能改，關二哥抵
你紅！

同五虎其中兩虎相熟，梁烈唯去劉華演唱會探班，輕易埋身影合照。

同陳豪(右一)拍過《心花放》、《胭脂水粉》等劇做埋好朋友，阿 Mo當年仲點醒唯唯，
好兄弟！

加入晨曦足球隊後，同黃日華三哥等更加熟絡，唯唯仲學埋前輩嘅優點，成個人成熟晒！

排骨變肌佬

初入行時奀到似支竹，但近年唯唯積極做 gym操肌，終於練到有 6嚿腹肌，遲 啲出街 嘅
新劇《飛虎》，唯唯仲會同羅仲謙、王浩信齊齊晒肌！

由排骨變鋼條，唯唯o依家成日幫雜誌影肌相，身形靚過大部分一線小生！

操肌成功，不過上年幫 TVB影 嘅大隻廣告相，一張都冇出街！