葉翠翠唔背劇本照交戲

2012/02/17  太陽報

前港姐冠軍葉翠翠拍劇愈來愈多，但多為客串性質，至去年獲監製戚其義賞識，於劇集擔
綱其中一條主線，她感激之餘，又表示角色貼近生活，對白由心而發，不用死背！

葉翠翠當選後便投身拍劇，雖然產量甚多，但只限於綠葉角色，去年底於劇集《我的如意
狼君》中戲份雖然不多，但演技獲觀眾讚賞，令她始料不及。

終於有存在價值

劇集播畢個多月，化妝師及髮型師仍繼續討論，樂此不疲，翠翠笑說：「雖然套劇播完，
但最近喺公司化妝整頭嗰陣，有工作人員突然同我講，話黃浩然提過佢要睇（劇中）我喺
記招踢爆陳山聰嗰場戲，仲讚我做得好好，我聽完真係好開心！」早前她於《我》劇慶功
宴上，亦不忘多謝導演陳湘娟。

「劇接劇」的翠翠，有機會於劇集《4 in Love》擔演較吃重的角色，與韋家雄飾演情侶
，她感謝監製戚其義賞識：「從未試過有監製畀咁重嘅戲份我，之前次次都係客串，好多
只係出現一下，今次套劇係我喺公司咁耐以嚟，第一次感覺到有存在價值！」

翠翠指角色貼近生活，容易掌握，故從不用背劇本，多數對白都由心而發，拍攝得相當輕
鬆，她自言愈來愈愛演戲，只希望每日都能用心拍好每場戲。