慘變小三 軟飯王踏兩船 馬賽帶巨聲大孖返閨過夜 (FACE週刊254期)
上週日（ 25日）馬賽要為《名》劇開廠，而大孖當日就冇通告唔使 do，但大孖竟然坐馬
賽車由電視城出嚟，仲喺將軍澳坑口站落車買水，入完貨再極速上車返閨。
08年港姐季軍馬賽，入行後深得無綫重用，去年一共拍咗7套劇，最重要係馬賽唔只無綫
like，純女形象連宅男都勁冧。
可惜純女最易惹壞男人，一向甚少緋聞 嘅馬賽，最近拍新劇《名媛望族》時竟同《超級
巨聲》 嘅大孖周志文日久生情。
早前本刊發現馬賽更帶大孖返清水灣半島香閨過夜，本來郎才女貌好正常，不過大孖原來
一直收埋 34C正印富貴?模袁聖殷（ CoCo），馬賽懵盛盛變小三。
馬賽自選完港姐後，好快就成為「親生女」， 24歲女已經有份拍重頭劇《名媛望族》同
楊怡、馬國明鬥戲，擺明力谷上一線。加上馬賽屋企壜水，老豆在國內從事金融業，絕對
係金礦小花，可惜呢個金礦最近已被住 喺藍田公屋 嘅《超級巨聲》大孖掘中。
4月份《名》劇香港廠景埋尾，拍攝馬賽同大孖結婚戲分。二人連續幾日由朝開到晚，拍
住拖開工，仲晒合照喺微博。
富貴 模正印 CoCo
跟周志文拍拖兩年多的 CoCo袁聖殷，據知對男友一腳踏兩船完全不知情
扮乖溝女
乖女馬賽出道 4年，僅在前年拍《女王辦公室》與吳卓羲傳過緋聞。雖然大孖只家住藍田
公屋兼收入不多，但大孖周志文溝女卻好高招。外表乖仔的他，據知最叻扮上進，知情者
說：「佢最鍾意扮乖仔，話自己幾辛苦都肯捱。依家拍《名媛望族》氹到連阿媽阿爸輩嘅
韓馬利、劉松仁都錫晒佢。佢喺啲女面前又識扮慘，入咗嚟無綫食過唔少女喇，巨聲同學
、dancer，甚至訓練班新女都中過招，今次仲溝埋馬賽添。」
據知《名》劇中大孖同馬賽飾演一對，攞正牌戲假情真；而私底下大孖亦日日 WhatsApp
馬賽，又會唱情歌畀馬賽聽，把口 過油，一個月即溝掂馬賽。
21:30 落車買水
馬賽將車駛到坑口站附近，大孖即刻火速落車奔去 7-11便利店。
21:48 返馬賽屋企
等大孖 喺坑口買完 嘢後，馬賽直駛去清水灣半島香閨，之後馬賽座駕一直停泊於寓所，
亦未曾見大孖離開。
據知大孖愛用 WhatsApp溝女，而上週三（ 28日）馬賽去金鐘攞衫，被發現不停玩電話睇
短片和傳短訊。
3月 19日有人目擊馬賽同大孖 喺尖沙咀新豐明苑茶餐廳撐 枱腳。
踏兩船穿煲
兩位小情侶暗撻，連劇中老戲骨韓馬利、劉松仁都 喺微博留言暗示二人撻着。難得兩人
拍拖亦半公開，馬賽每次都等大孖收工，更會送大孖返藍田平田邨家，上週日（ 25日）
馬賽拍完廠後，即車當日無工開嘅大孖返清水灣半島家中過夜。
馬賽愛得投入，但大孖一直有個正印富貴女友Co Co袁聖殷。據知二人拍拖兩年多，由於
女方家住南區貝沙灣，家境富裕，起居飲食經常照起男方，亦跟馬賽一樣經常用平治接送
男友。
馬賽同大孖撻着，戲中由情侶變夫婦， 3月 1日二人拍完廠， 喺廠外仲拖住手，飾演馬
賽媽咪嘅韓馬利，更將二人拖手照上載微博，仲話：「拍完了仲拖？」
馬賽身形嬌小，不過身材亦不俗，加上家底唔差，難怪唔少男仔埋身。
馬賽慘變小三，對於同大孖拍拖，週日（ 1日）馬賽喺電視城死口唔認大孖上過佢屋企：
「（係咪同大孖拍拖呀？）梗係唔係啦！（影到你 3月 25日車大孖返屋企！）咩呀？幾
時？佢冇去過我屋企。（但我哋影到喎！）冇呀！即係佢點樣入停車場。……佢最多係…
…我睇吓 schedule……你問十億次都係冇去過我屋企……啊！我知喇！佢幫我買咗支水
and then搭的士走咗， yes! this is truth！」但事實本刊拍得大孖買完水再上馬賽車
，直奔馬家。
大孖週日（ 1日）同正印喺尖沙咀大牌檔食飯，對於上馬賽屋企，大孖先唔認。他說：「
佢（馬賽）送我去搭車啫！（我哋影到你先落車，買完嘢再上車去佢清水灣屋企，冇走
過喎。）」大孖即時硬軚，他說：「唔好意思，我同經理人傾吓先。」而正印 CoCo表示
同大孖只拍拖半年多。對於男友偷食一事，她激動回應：「唔好再煩我，唔好再問我。」
大孖今次跪玻璃都唔掂呀！
知大孖有女友
於錄音訪問中，馬賽表示知道有 CoCo存在，對於是否覺得大孖花弗，馬賽則說：「我覺
得佢唔係，（佢會唔會追緊你呀？）唔會，我哋太熟喇！除咗私事……私隱我唔會過問…
…佢係天秤座嘅，我自己都好天秤座嘅，所以我哋可以好好傾。呢個係事實！」
前年馬賽同吳卓羲拍《女王辦公室》傳出緋聞，當時仲有指吳卓羲住 喺馬賽清水灣半島
住所。
富貴正印 對質嬲爆
週日（ 1日）大孖跟正印女友袁聖殷和巨聲一幫隊長劉威煌於尖沙咀食飯，期間本刊將大
孖偷食照片給正印看後，大孖即口窒窒：「我同經理人傾吓先。」
嬲到震
睇完相，再見男友口窒窒，於知道男友偷食的袁聖殷塊面愈嚟愈燶。
心虛望
偷食穿煲，大孖不時皺眉望住女友。
CoCo（左）是 Chrissie周秀娜師妹，不過唔會走剝衫路線，今年會同另一同門韋彤組成
Lemon Beez出碟。
7劇小花
馬賽喺無綫發展4年成績不俗，雖然只係二線尾，不過勝在密做，上年一共拍咗7套劇。本
月3號將到上海拍《名媛望族》外景，之後亦會拍李添勝監製嘅《神探哥倫布》。
《名媛望族》
雖然主角有松哥、陳玉蓮、楊怡和馬明等。不過馬賽同大孖一段戲喺結局篇戲分亦唔少。
《當旺爸爸》
最近播映嘅《當旺爸爸》，馬賽亦有份客串，演馬仔前女友，拍開梁家樹旗下監製嘅馬賽
，罕有地為珍姐旗下監製梅小青幫手。
《神探哥倫布》
李添勝退休前最後監製劇集，馬賽拍住黎耀祥和楊怡。
《耀舞長安》
劇中主角有歐陽震華、鍾嘉欣和胡杏兒等，馬賽戲分較少。劇中同港男翟威廉飾演一對。