推 kingtou:恭喜馬明！！ 03/18 12:07
推 yaya007:跟江祖平有明星臉 03/19 19:46
→ lolobo:最近重溫妙手2，發現馬當一夜情的小配角>//< 03/19 21:26
推 shoese:馬明在陀槍師姐3一開始是銀行職員，最後面變成拆彈專家= = 03/20 07:49
推 tabten:我愛馬明！ 03/21 21:54
推 clearclear:馬明好棒又好帥>///< 03/21 22:52
馬國明遲來出頭天
在剛剛大結局的無綫劇《 On Call 36小時》中，馬國明（馬明）飾演的張一健叫好又叫
座，人氣急升。藝員訓練班出身的馬明，做過甲乙丙沒名字的角色，又試過穿道具戲服扮
「小強」為黃子華的《藍天》拍 MV，直到近年所拍的劇集，先後獲讚賞，令他的演藝事
業漸露曙光。捱足 12年的馬明坦言：「我冇諗過有呢個成績，成功與否唔係自己一個人
嘅努力，仲有好多配合。」
談到今次張一健的成功，日前馬國明接受訪問時說：「初初真係冇諗到會有呢個成績，呢
個角色同我以前嘅比較，其實都係啲斯斯文文、性格上又冇乜特別，但係嗰陣時睇劇本覺
得好好，聽故事嗰陣都有啲眼濕濕。」
馬明續說：「雖然我好鍾意，但唔敢有好大期望，好似之前有好多係劇集受歡迎多過我，
點知今次出嚟，感覺多咗好多觀眾鍾意睇馬國明。」
捱足十二年
事實上有網友大讚馬明今次的演出，可惜他正趕拍《名媛望族》的關係，仍未認真看過自
己的演出：「可能今次嘅角色唔使再扮醩仔，係比較成熟，接近我現實嘅年紀，德哥（監
製潘嘉德）覺得外型同性格都幾啱我做，咪搵我拍，我入行到鶽家拍咗三套德哥監製嘅戲
，收視同口碑都唔錯，佢讚我越嚟越好。」
不少前輩曾說最少要做十年才可登上小生的位置，馬明捱足十二年，現階段在事業上終於
有所成就，他覺得心機和運氣不可或缺，最重要亦要視乎對娛樂圈的興趣，他說：「好坦
白講，如果我今時今日都仲等緊機會，都唔知會唔會捱落去，呢行真係唔係易捱，除非你
好好運，一出嚟就順風順水，不過通常都冇，唔知幾個人裏面先至有一個。」
老戲骨難求
即使事業有起色，馬明直言不會有飄飄然的感覺：「我都三十幾歲人，唔會突然間有呢個
感覺，就算信心亦唔會特別多喎，咪同平時一樣，拍戲唔係次次都係做張一健呢類角色，
一定會有其他嘗試，每個角色亦會有唔同特質，都係要同導演、對手研究。做戲同唱歌做
運動一樣，你呢場做得好，唔代表下一場都係，都係要自己畀心機。任何比賽都唔會成日
贏，一定會有輸嘅時候，打得唔好咪輸，做人都一樣，只要能力範圍做好，成功與否交畀
個天。」
隨着免費電視台的數目增加，無綫台前幕後一度受挖角潮影響，無綫已經力谷藝員上位，
亦在製作上投放更多的資源，可惜最近不少資深的老戲骨相繼離巢，馬明亦有感而發說：
「我以前做訪問都曾經講過，小生唔難搵，喺訓練班搵啱人選，度身同佢拍兩、三套劇集
，再搵啲老戲骨撐住佢咪冇問題；反而做咗二、三十年嗰啲老戲骨難求，呢班人真係好緊
要，冇咗就冇咗，對拍戲多少都會覺得麻煩，如果一個主角嘅屋企人，全部都係特約同臨
時演員都幾驚，好多嘢靠一個人係做唔到，冇咗互動同熟悉嘅面孔，觀眾都要去調節。」
凡事有弊亦有利，人事上的衝擊造就不少上位機會，馬明說：「好似《 On Call》有好多
新人演出，我成日都同佢哋講，叫佢哋要畀心機，因為走咗咁多人，多咗好多機會，鶽家
係睇吓邊個畀心機做戲，只要你把握到每個角色，工作量就會越嚟越多，監製好實際，佢
哋唔使你送乜嘢畀佢，因為佢要人拍戲，只要你 OK交到貨，下一套咪會預埋你囉 。」
馬明又說：「呢度唯一係叫穩定，無綫呢度係一間好學校，就算你初頭出嚟拍得幾差，都
會 keep住畀你拍，等你磨練吓再等吓一個機會，唔會冇嘢畀你做，只不過係學滿師啲人
走咗 。」
向松哥偷師
笑問他又是否已經學滿師？馬明笑說：「我唔知呀！呢啲要人哋話，唔係自己講，你問我
會覺得仲有好多嘢可以再進步，松哥（劉松仁）成日都講呢行係無止境，佢到鶽家都唔係
百分百有信心做好每一個角色，佢仲話千祈唔好覺得自己得，得嗰個死嗰個。」
馬明還笑說：「之前同松哥拍《蔡鍔與小鳳仙》，已經喺佢身上學到嘢，今次拍《名媛》
仲學得多，你睇到佢點做，點樣攞到個方向，我呢啲醒目仔袋咗好多錢落袋！」被笑稱是
「遲來的醒目仔」，馬明亦不禁笑說：「遲到好過冇到，好多嘢係講因緣際遇，做咗咁多
年都好認命，好似我上年全年都係做緊啲奸奸哋嘅角色，今年《 On Call》做忠嘅角色又
有新鮮感，連帶啲做好 fresh嘅實習醫生，亦畀咗好多新鮮感畀觀眾，如果我一路 keep
住做同一類角色，可能呢個角色嘅迴響冇咁大。」
本新聞轉貼自：
http://ppt.cc/k2xE
愛情大悶蛋
過往馬明接受訪問，多次提及「愛錢多過獎」，他不諱言至今這想法仍未有變，他笑說：
「我都係市劊啲睇錢，希望搵多啲外快，等生活有保障先，獎項呢啲有咪錦上添花，冇咪
戥人開心，太多嘢控制唔到，有同冇獎都係要咁做。」
享受單身
最近承認與胡定欣拍過拖的馬明，感情生活再被大家關注，馬明說：「鶽家好享受單身一
個人，唔使煩，我唔係安慰自己，只不過我份人不嬲都唔怕悶，因為我自己真係幾悶，所
以覺得冇乜嘢，隨遇而安喇，啱就冇所謂，鶽家都未有目標，我唔係好急，穩定事業先喇
！」
Source: http://ppt.cc/5IrF
--
※ 發信站: 批踢踢實業坊(ptt.cc)
◆ From: 112.118.169.29