黃淑儀頂硬上                   (忽然一周871期)

黃淑儀於《 On Call 36小時》跟馬國明飾演母子而 friend咗。早前一個活動上，黃淑儀
因腳傷問題，獲馬明扶實，相當母慈子孝。

黃淑儀雖然係甘草演員咋，不過幾敬業樂業。早排忙完《 On Call 36小時》，如今就趕
拍無綫新劇《巴不得媽媽》。由於角色係賣潔具嘅，馬桶、浴缸少不免，其中一幕黃淑儀
仲要一手舉起馬桶，成個大力女金剛咁。

早於《 On Call 36小時》開播時，黃淑儀已需要枴杖幫助先行到路。腳傷情況睇嚟幾嚴
重。

不過媽咪姐就八到，黃淑儀有啲擔心托唔起個馬桶。事關佢左邊膝頭哥嘅半月板撕裂咗，
早排做完手術，依家仲接受緊物理治療。坦白講，人老骨頭脆，呢啲粗重工夫，可免則免
！