拍劇真打傷人 敖嘉年犯眾憎

2011/02/20  忽然一周812期
http://bbs.ent.163.com/bbs/tvb/198006897.html

上周四（ 10日）敖嘉年與落選港男單俊偉拍新劇《飛虎》對打戲時，雙雙受傷入院。有
幕後工作人員爆料，指敖嘉年跟男主角馬德鐘對打時好規矩，跟足武術指導吩咐。但他跟
其他配角對打時，為求自己打得好睇，竟不理武指安排，次次出盡全力，至今已打傷同劇
 4個藝人。

對於敖嘉年為求上位，拍劇變真打，劇組人員都睇唔過眼。其中兩位傷者李嘉和單俊偉表
現無奈，曾在《義海豪情》飾演少佐的李嘉忍不住說：「實有人頂唔順會出聲！」

上周四（ 10日）敖嘉年與單俊偉拍對打戲雙雙受傷。劇情講敖嘉年起飛腳，以膝蓋撼落
單俊偉的額頭。拍攝前，二人對好位、就好力度，但埋位時敖嘉年卻忽然「嚟真」，出盡
力硬撼單俊偉額頭，結果單金星亂冒，差點站不穩。不過，事後敖嘉年卻聲稱自己傷勢較
重，無法行動，並需戴上氧氣罩由擔架牀送院，令幕後稱奇。

李嘉：佢出手係重嘅！（真實對白）

展示傷勢
早前李嘉和敖嘉年拍打戲，被他打傷腳踝和腳脛，他曾在微博展示傷後敷冰的圖片。

李嘉因在《義海豪情》飾演少佐而為人認識。

上周四（ 10日），敖嘉年和單俊偉拍攝打戲，雙雙受傷入院。嘉年聲稱他膝頭撞到單俊
偉額頭，是自己傷得較重。

與馬德鐘對打出手輕

劇組睇唔過眼，向本刊踢爆敖嘉年惡行：「單俊偉俾敖嘉年撼到暈咁滯，佢仲好意思話自
己傷得重啲。其實佢只佔《飛虎》其中一個單元，戲分唔算好多，但佢之前已經傷咗 3個
同劇藝員，比例上傷得好密。佢同配角排戲就跟足武指，埋位就忽然出力真打。佢有武功
底，好大力，啲對手硬食，你話傷唔傷？佢對住大星馬德鐘就跟足武指，大家知佢大細超
。今次又傷多個，佢驚俾人清算，咪講到自己好傷囉！」
單俊偉接受本刊訪問，表示入院後曾照 X光和做腦掃描，發現有輕微腦震盪，幸好沒手尾
跟。他無奈地說：「拍攝前試過 4次都冇事，正式嚟就出事，嘉年係大力咗！」

除了單俊偉外，之前敖嘉年亦打傷了李嘉、司徒暉和羅天池。司徒暉是 09年藝訓班畢業
，之後一直做小角色。他表示跟敖嘉年還有對手戲要拍，不想惹麻煩，只說：「受傷嗰場
戲講佢一拳打埋嚟，佢啲力堅 o架，我塊面即刻瘀咗，不過唔使去醫院。」

李嘉：實有人出聲

對於接連打傷對手，敖嘉年即為自己辯護說：「係意外，就算我哋拍文戲都有機會受傷，
動作一定有危險嘅，更何況意外任何地方都會發生。」對於有傳他試打時，力度同位置都
冇問題，去到埋位就忽然真打。他聞言即尷尬地笑了，「唔係大力細力嘅問題，佢哋邊知
我乜嘢力度。」

雖然敖嘉年辯稱唔係大細力問題，但曾是全國武術冠軍的李嘉，與敖嘉年拍對打戲亦傷了
腳踝和腳脛，證明出手極重。他說：「我同嘉年都有武功底，係硬食硬，而佢又唔係咁就
到力，佢出手都幾大力。（你頂唔頂得住？）我覺得自己頂得住，我受傷都唔緊要。（有
冇話佢？）費事影響佢拍戲心情啦！（你唔出聲佢唔知自己大力 o架！）實有人頂唔順，
會出聲！」

聖經說：「沒有隱藏的事，將來不被知道的。」奉勸敖嘉年收歛為上。

1月底，嘉年與馬德鐘拍打戲。馬德鐘力指有武指在場指導，雙方亦跟足動作對打，好安
全。嘉年果然大細超。

專恰閒角

單俊偉傷額
港男單俊偉被嘉年打傷後送院，他周日（ 13日）透過電話回應，「佢係大力咗。」

司徒暉傷顴骨
司徒暉被敖嘉年打傷了顴骨，他說：「佢啲力堅 o架！」

羅天池傷腳
曾拍《天天天晴》及與廖碧兒傳過緋聞的羅天池亦有和敖嘉年拍打戲，被整傷頸部及小腿
。

上位惹是非
敖嘉年在《義海豪情》飾演懦弱的「排骨仔」人氣急升，但同時亦是非不絕。

背女友追梁靖琪

去年有傳敖嘉年與在新劇《花花世界花家姐》演情侶的梁靖琪撻着，不時在微博晒親密照
，更即時狠撇拍拖 9年的女友 Peggy，但事件曝光後，梁靖琪即時公開劃清界線。

反骨兩頭拜師

曾向無綫藝員冼灝英拜師，學習「大聖劈卦」的敖嘉年，忽然轉投陳觀泰門下。變成「反
骨仔」的敖嘉年兩頭拜師令冼灝英非常不滿，在《花花世界花家姐》煞科慶功當晚，被冼
灝英以飛杯襲擊他，以致血流披面。

無端插馬浚偉

敖嘉年接受周刊訪問時，透露多年前被一位前輩批評演戲差，並叫他「收皮」，然後私下
放料謂此人是馬浚偉。馬浚偉表示從沒跟他合作，對於無端被抹黑，感到非常憤怒。