洗邋遢 巨乳謙 獨家沖涼片流出

2011/02/03 FACE周刊第193期

該場出浴戲講述謙仔初加入飛虎隊受到針對，之後喺浴室同兄弟王浩信訴苦，呢場戲當日
原先冇得採訪，但謙仔同王浩信見咁多記者要求，於是重演一次出浴益吓大家！

要上位，露少少在所難免，女人騷事業線、男人要晒肌。童顏巨乳羅仲謙，上年憑《搜下
留情》騷肌彈起，成為基界新寵亦密接 job。上咗位自然錫身，最近忙拍新劇《飛虎》嘅
謙仔，一場出浴戲死守露股防線，實行着住兩條底褲加毛巾，連籮形都唔肯益無綫。

26歲羅仲謙上年憑《搜下留情》一劇做泰拳教練，騷肌彈起，成為新一代肌男，每逢有
 job都要騷 40吋胸肌。有胸有事業，拍電影升呢做男主角，在《婚前試愛》同女神
 Chrissie、 Carol拍床戲，恨死宅男。巨乳謙騷肌有市，無綫食住上力捧謙仔，由上年
開始《團圓》和《抉宅男女》接住拍，最近則為 13集電視電影《飛虎》埋位。

S形股惑
謙仔唔肯露罅，不過露上身就無任歡迎，沖住涼畀記者影足 5分鐘，其間更不停 chok甫
士。

羅仲謙堅拒露罅，事前更着咗兩條底褲，可惜條褲同毛巾濕水向下跣，露咗 1吋股罅，成
個 S形好突出！

「我個籮比較凸」

今次《飛虎》第一男女主角係馬德鐘和宣萱，但其實戲分主要在羅仲謙和其緋聞女友黃智
雯身上。謙仔今次暗啞底孭重飛，但竟然錫身，唔肯露太多，更堅守露股防線。

據知情者說：「套劇學人哋美劇咁，一星期播一集，監製當然想每集都有話題啦，咪整咗
場露股沖涼戲囉！」雖然謙仔搏命又有身形，但對露股則十分抗拒。上週三（ 26日）《
飛虎》拜神，謙仔先出口術：「有場露股出浴戲，我唔會露坑，因為我條腰得 28吋，加上
我個籮比較凸，我諗露低啲條腰，見到少少半圓形就得。」

露股冇得傾，謙仔講到明股罅亦免問，濕身騷肌則無任歡迎。上週五（ 28日）謙仔、王
浩信等大隻佬到上水展能中心拍出浴冲凉戲。謙仔露慣，事前零準備，反而首度騷肌嘅王
浩信就谷到行，拍攝前先做一百下掌上壓谷大個胸，又用健身繩整靚膊頭線條。

佢話：「兩個月前監製叫我谷到零脂肪，我話即管試吓啦！之後搵教練食餐單力谷。我?家
都有 42吋胸肌，不過梗係謙仔身形靚啲啦！」男人露前熱身，唔執輸得過女人 o架！

王浩信鬥肌

王浩信用咗 2個月時間變大隻仔， 42吋胸、麒麟臂、朱古力腹肌有齊晒，但佢就唔係好
慣沖涼俾人影，表情有啲尷尬。

爆肌餐單

早餐：
4至 6隻雞蛋
4至 5羹麥皮、 1個蘋果/橙
午餐：
雞胸飯（去皮不要薑茸、豉油）
下午茶：
烚薯仔兩個
晚餐：
雪藏雞柳 5-6條、烚菜一碗
運動：
器械 2小時及跑步 20分鐘。

'05瘦奀
05年剛出道嘅王浩信，雖然唔係排骨仔，不過比起?家咁大隻又真係好大分別。

王浩信對呢場冲凉戲相當緊張，事前做過百下掌上壓，兼玩健身繩谷肌。

底褲雙雄

《飛虎》除咗有羅仲謙、王浩信鬥露外，同場亦有港男袁偉豪和翟威廉，佢哋露肉當然駕
輕就熟，就算着住底褲周圍行都冇問題，盡顯結實激凸身材。

袁偉豪
袁偉豪係 07年香港先生，身材仲 keep住選港男嗰陣，當日佢着住條貼身 Nike pro
combat底褲，身材絕對唔輸蝕畀羅仲謙。

Chok峯露股

羅仲謙錫身唔肯露股，真係唔及 chok峯同吳卓羲咁搏， 04年二人拍《大唐雙龍傳》就雙
雙露股，當時仲接獲 3宗投訴。無綫外事部表示：「只要唔係刻意露股，係劇情需要，基
本上冇問題。」大隻謙大方啲啦！