梁烈唯勾芸慧遭圍毆

2011/02/26

馬德鐘、梁烈唯和苟芸慧等前晚在九龍塘拍攝無綫劇集《飛虎》的毆鬥場面。劇情講述梁
烈唯介入馬德鐘與苟芸慧戀情，「勾義嫂」的梁烈唯遭同袍圍毆。

遭「撬牆腳」的馬德鐘表示，現實中未試過「勾義嫂」，反而有女友曾移情別戀，當時選
擇放手離開，苟芸慧則說：「做戲先有男士為我打交，現實中對感情關係好清楚，絕對唔
會含糊不清，我唔係紅顏禍水。」而梁烈唯笑說：「唔係我『勾義嫂』，係苟芸慧勾我。
」

苟芸慧向梁烈唯獻吻，激到馬德鐘紮紮跳。
--------------------------------------

羅仲謙肌佬埋堆玩凸擊

無綫藝人梁烈唯最近同羅仲謙、袁偉豪、王浩信等一齊拍劇集《飛虎》，一班猛男圍埋好
自然會傾吓點做Gym操肌，加上戲入面有唔少更衣室戲份，可謂肉光四射，問唯唯覺得邊
個啲肌肉最勁？佢就話：「其實個個都勁o架喇！不過謙仔真係好『凸』出，我同袁偉豪
就線條比較靚！」

班猛男成日打大赤肋行嚟行去，難為同場飾演支援部隊嘅女將黃智雯，可能有唔少姊妹會
羨慕佢成日「有肌睇」，不過智雯就鬼咁無奈，因為班仔夾埋調戲佢，唯唯 話：「我、
羅仲謙同王浩信分別同佢演過情侶，我哋問智雯會揀邊個做老公，又作狀攬佢！（佢唔尷
尬？）唔會！我哋好老友，好似兄弟。」