馬德鐘企硬要 CHOK

2011/03/25 壹周刊1098期

變身前
我靚仔又有型！（設計對白）

無 綫新劇《飛虎》上個禮拜六（三月十九日）， 响將軍澳工業邨拍攝一場追車戲，當日
雖然落住毛毛雨，貪玩 嘅宣萱照擒上架小巴，濕身擺甫士俾記者影相。

事實證明宣萱冇公主病，反而生得牛高馬大，以前仲做過 G4嘅馬德鐘，公子上身好錫身
，做訪問要記者上車，防止整濕個頭，就算宣萱嗌佢埋位影合照，馬德鐘依然唔請唔願落
車，「係咩？影相呀？」

之後馬德鐘上車換飛虎衫等開工，以為記者走晒，淨係著件「蛤 乸衣」等埋位，點知又
要影相，馬德鐘即時企硬：「咪住先！我著到成個車房仔咁，唔好影住，等我一陣！」只
見佢 嗱 嗱淋加件避彈衣，又護腕又手套再攞埋支道具槍， chok晒樣先肯影相，差在未
笠埋個飛虎面具同防毒面罩咋，該煨！

變身後
著住件「蛤 乸衣」，馬德鐘堅持要記者等多幾分鐘，等佢變身做飛虎，再攞埋支搶挨 响
架吉普車，擺好甫士先上鏡，姿整過女人。

劇情講馬德鐘奮不顧身跳上小巴，其實佢之前已經著住便裝，露出紅色底褲邊示範 咗一
次，既然換 咗套飛虎衫，於是主動 take two：「我頭先著呢套衫跳 o架！」

唔怕落雨唔怕污糟，宣萱擒上小巴任影，之後仲行埋去嗌匿 响車避雨做訪問 嘅馬德鐘落
車。

瘦番好多 嘅宣萱，加上剪短頭髮成個人都精神晒，不過見到有蛋撻食，都係忍唔住口！