李詩韻挨 Pang倚                  2012-5-2 Face週刊258期

攬到實
李詩韻笑到咁甜，攬到陳展鵬咁實，使唔使咁冧咁交戲先，好有《甜蜜蜜》、《那些年》
 feel喎！

呢期唔多見煎 Pang（陳展鵬）蒲頭，以為佢失咗蹤，原來佢忙緊拍同李詩韻套新劇《情
越海岸線》。套劇喺長洲取景，煎 Pang做咗長洲賓客，唔怪得少見咗佢啦！

上週三（ 26日）， FBI入長洲探班八卦吓，一嚟就見煎 Pang同李詩韻拍緊場踩單車戲，
沿途好多人圍觀，尤其煎 Pang，去到邊都有途人同佢 say Hi，反而李詩韻就弱咗啲喎，
得幾個師奶認得佢，話晒佢有份做嘅《拳王》依家出緊街，冇理由冇人認得吖。

不過一 roll機，佢就識成個人攬實煎 Pang，仲識望實FBI添。邊個話胡定欣係新姣精？
應該李詩韻先啱呀！

呢場單車戲，又要載住李詩韻，沿途又俾咁多途人圍觀，搞到踩 3分鐘嘅單車戲，都要拍
 4、 5次。

當日李詩韻嘅戲較多，要換幾次衫嘅佢，除咗喺長洲問啲鋪頭借更衣室換衫外，仲抵諗到
去埋臨時公廁，攞衫換衫一腳踢。

當日仲有「少年阿佘」蔣家旻（右一），梁証嘉（左一）等《天與地》?版一齊拍。埋位
前，三位即刻攞住平安包影相留念！