周麗淇行咇遊客問路    2011/12/08 東方日報

http://orientaldaily.on.cc/cnt/entertainment/20111208/00282_076.html

周麗淇（Niki）與「港男」高鈞賢、「巨聲」陳國峰等日前穿上軍裝拍攝新劇，飾演衝鋒
隊沙展的Niki英姿颯爽，更自爆遭個人遊遊客誤認為真警花。對於被指執袁詠儀二攤，她
坦言不介意，又指為拍攝推掉不少工作，損失不菲。

歌影視三棲的Niki日前與港男高鈞賢、陳志健等在旺角拍攝新劇《女警愛作戰》，Niki以
軍裝上陣，造型幾可亂真，孭上18磅重裝備的她仍步履輕鬆：「有個人遊遊客以為我係真
警察，走嚟向我問路，哈哈！」

周麗淇全副軍裝上陣，在街上行咇引得遊客向她問路。

唔介意執二攤

對於有傳角色原本由袁詠儀演出，她坦言不知情，亦不介意執二攤：「監製兩個月前搵我
拍，我都有參與設計角色。」為拍此劇她推掉內地劇集及不少聖誕檔期工作，損失不少，
Niki說：「來日方長，錢一次過搵唔晒，明年都會返內地拍劇。」

外間有傳她簽約TVB兩年拍三套劇集，Niki予以否認：「冇簽約，我逐部同TVB計，亦唔係
部頭約，總之佢哋有角色啱我就搵，自己都會優先畀TVB。」

至於與謝天華合作，她大讚雙方有火花：「我哋拍鬧交戲好順，但冇咩親熱戲。（畀佢
chok親？）佢個角色本身都chok，我成日都冷笑，哈哈！」

高鈞賢想換樓

此外，與「港姐股神」葉翠翠傳緋聞的港男高鈞賢，在劇中先與Niki譜出姊弟戀，其後再
移情飾演高級督察的黃智雯，艷福不淺。最近密密拍劇的他，表示有意在荃灣再置業：「
依家住緊間屋九百呎，冇位擺嘢，所以睇中荃灣一個千二呎、售六百萬元嘅單位。」看來
「股神女友」似乎指點了不少靚number，不然高鈞賢也不會細屋搬大屋了。