衰過倉底 網上任睇 周麗淇新劇 驚現強國 PPS           (Face週刊255期)

周麗淇為 咗《女》劇連去大陸掘金機會都放棄，點知套劇?家喺大陸 PPS有得播，咪當香
港價錢拍大陸劇囉。

呢個世界講求等價交易，小生花旦要拍劇換獎，估唔到連無綫都要用劇換約。
事緣上週二（ 3日），周麗淇同謝天華在 2月才剛拍完的新劇《女警愛作戰》，香港有排
都未播，但失驚無神喺強國視頻網站 PPS任睇。

據知無綫同大陸播映合約就完，為咗獻媚，無綫以一新劇再加其他舊劇套餐價換續約，女
主角周麗淇慘成交換籌碼之一。

無綫以物易物，咁啲演員用續約換獎，都好合理喎！
32歲周麗淇雖然唔係無 綫親生女，但一向有拍開無 綫劇，而且收視不俗。上年 12月尾
播 嘅《我的如意狼君》，雖然同期有神劇《天與地》壓住，但結局都有 40點，證明周麗
淇有一定叫座力。

衰過倉底
謝天華和周麗淇兩個收視保證，點知套劇下場分分鐘同《盛世仁傑》一樣，擺足幾年先變
出土文物。

急住播放
周麗淇加埋 Laughing Gor謝天華 孭飛 嘅《女警愛作戰》，有卡士斷估會排在「靚檔」
播出，點知上週二（ 3日）國內煲劇網站 PPS，神奇地獨家首播《女》劇。

知情者說：「無綫同大陸嗰邊就完約喇，佢想大陸嗰邊繼續播佢啲劇，咪以一套新劇再加
啲舊劇博同佢續約囉，於是咪揀咗《女》劇去 sell囉！」而據無綫以往慣例，一經海外
播放在先嘅劇集，至少半年唔會喺香港出現，加上唔少劇嘅檔期已定，即係話《女》劇
註定要步《盛世仁傑》後塵成為倉底貨。

由於向大陸獻媚行動倉卒，所以 PPS播 嘅《女》劇質素超差，連主題曲都無。片頭只將
一堆片剪好，然後加段罐頭音樂就完成，相當粗製濫造。周麗淇經理人 Marianne上週五
（ 6日）對本刊說：「 Niki為 咗《女》劇，推 咗部大陸劇 嚟接 o架，同埋原本諗住 4
、 5月抽個期同天華錄主題曲，諗住大劇會慢慢搞啦，但估唔到突然咁急！」你唔急 啫
，無綫賺人仔急嘛！

周麗淇 孭飛 嘅劇一向收視有保證，上年 12月播 嘅《我的如意狼君》一致睇淡下，結局
攞到 40點，唔係個個花旦有咁 嘅成績！


4個月超趕出貨

一般 20集劇，由造型到拍攝基本上三個月完成，但通常都要花上幾個月時間做後期，如
果套劇有一線卡士，仲會配合埋宣傳先上。今次《女》劇 4個月內由拍到網上播，基本上
破晒紀錄，認真史無前例。而且下半年播映 嘅劇大致定晒，下年仲有《金枝玉孽 2》、
《衝上雲霄 2》、《大太監》及《 On Call 36小時續集》排緊隊，《女警愛作戰》真係
唔知排到幾時？

4月出街

上週二（ 3日） PPS首播《女》劇，但大馬華麗台 astro個 logo大大隻喺右上角。經無
綫外事部副總監曾醒明表示，未授權 PPS播映。

黃智雯 喺劇中飾演硬朗女警官， 喺第 4集罕有地有換衫場面，可惜性感程度就唔及陳法
拉、陳茵媺喇！

11月造型
上年 11月周麗淇為《女》劇造型，當時無 綫都未決定將呢套劇掟去大陸播。

12月開工
12月至 2月為《女》劇拍攝，當時周麗淇除為《女》劇開工，仲要忙《我的如意狼君》宣
傳。

2月煞科
2月尾《女》劇煞科，周麗淇仲自掏腰包請大家食煞科宴。

無綫： PPS偷步播
除咗周麗淇、謝天華、 黄智雯，《女》劇其他卡士一般，但勝在多索女警。

雖然無綫未正式授權畀 PPS，不過 PPS上週已經有 4集偷步播出，分晒集數，仲強調「獨
播」令人以為佢攞正牌！