《女警愛作戰》趕甩褲賣埠 謝天華周麗淇慘被玩謝

http://www.tvbchannel.com/sergeanttabloid-sell-port.html

謝天華、周麗淇孭飛的《女警愛作戰》網上熱播，無綫先驚愕喊捉賊，後轉口風稱是慣性
賣埠手法。有傳這次趕甩褲賣埠笑料，全拜過檔王維基的員工所賜，把未完成後期的《女
警》劇賣出街，搞亂檔，慘被牽連的男女主角及相關要員全被急召回朝配音做後期。

城電老闆王維基去年高調以銀彈狂攻TVB，挖空幕前幕後精英，搞到TVB陣腳大亂，上個月
更有人趁亂打落水狗，離職前偷步把未完成後期製作的《女警愛作戰》賣埠出街，如今在
馬來西亞及內地網站熱播。

雞仔聲配Niki

「部劇二月尾先搞掂，叫做啱啱剪好，又未配音又未執尾，主題曲都未有，邊有咁快賣得
出街，上月中話賣就賣，仲臨時拉伕搵人幫天華、Niki配音，初版係有把雞仔聲配Niki個
角色，都幾好笑，好在監製出面急召班演員返嚟重新配音，原本喺內地拍《英雄》嘅天華
都局住請假，趕甩褲咁，擺明被整蠱。」知情者說，塞翁失馬，《女警》劇以幽默手法諷
刺時弊，迅即成為熱話。

就此事，無綫外事部副總監曾醒明表示劇集未上街先賣埠早有先例，「《盛世仁傑》係四
年前作品，都係馬來西亞那邊播先，其實一向都有劇集係海外播完香港再播，亦因為我哋
要播《盛》劇，咪要還廿集畀對方囉，咁啱《女警》完成後期又做好，題材又吻合，（有
傳《女警》根本未完成後期？）我諗可能係執漏啫，算係趕火車咁做，TVB就算趕都好有
經驗的，難唔到我哋嘅。」

謝天華（圖右）與周麗淇被無綫急召作後期配音。