楊怡成魔狂斬李綺雯 獸性盡現

http://www.ihktv.com/tavia-bestiality-do-now.html

事先聲明，係真係讚兩位好戲0架。今集《仁心II》講楊怡成魔，搵之前逍遙法外嘅李綺
雯復仇，又或者對喺戲入面已經癲咗嘅楊怡嚟講，係替天行道啩。楊怡帶咗李綺雯去到一
個掛滿晒膠，連李綺雯都全身包膠。

先唔好理係咪抄美劇，齋睇呢兩個女演員喺呢個密室裡面，都叫發揮得好唔錯，楊怡攞住
把軍刀，質問李綺雯嘅犯罪史，樣狠得嚟唔會誇；綺雯呢，又真係演到嗰種嚇到瀨尿嘅感
覺，非常入目三分。而且呢段戲唔算拖長到觀眾想瞓覺，節奏都算流暢，《仁心II》去到
今集，演員總算交到貨俾觀眾喇。

最後楊怡問李綺雯殺人嘅時候捅過人幾多刀，李綺雯喊住話唔知，楊怡就話：「我幫你數
，就由呢一刀開始！」一刀捅落李綺雯度，又係血淺嘅時候。咦，李綺雯成身包膠，咁都
有血飛出嚟嘅？不過算啦，呢一幕佢兩個總算演得夠放，觀眾想睇楊怡點樣狠法，就要追
睇聽晚一集喇。