《金牌冰人》：應錯節
又喜劇又古代的媒人題材又靚又閃的戲服……加上不俗的卡士，應該是收視保證，不過大
家忘記了，六月不是農曆新年，太過紅噹噹會顯得太熱，而且六、七月正是香港的多事之
秋，要觀眾像新年般乖乖地坐在公仔箱旁嘻嘻哈哈？有點難，當然，劇本有點「散修修」
都是長期留不住觀眾的原因。
《律政新人王》：律師必勝！不過Juno呢？
如果觀眾夠細心的話，會發現「律師」題材係TVB的「不敗將軍」，從去年溫馨小品的《
法網伊人》，到今年全新人掛帥的《律政新人王》，律師題材是無線劇的永恆題材，故事
輕巧又不算過時，的確容易鞏固收視群。幾個新人也具大將之風，林峰的表現有小阿哥風
範，雖然網路上他的Fans指他在去年早就應該得獎，可是實際點，香港
的反應的確不佳，而且陳豪舊年的表現的確更搶眼；胡杏兒演技較為紮實，幾場親情戲贏
得不少視評人歡心；陳鍵鋒則勝在角色設計得宜，陳的外型也官仔骨骨，而廖碧兒今次的
造型不及《皆大歡喜》亮麗，但角色極討好。縱觀反應而代表今次TVB冇捧錯人，不過疑
惑的是：當初吹得最大的Juno現今身在何處呢?
옊
《戀愛自由式》：青春劇不是這樣拍的
成套劇望落好熟口面，唔係抄唔抄既問題，而係個feel好似《淘氣雙子星》──呢，十幾
年前，李克勤ｄ頭髮仲好長，黃貫中做佢細路，又有Beyond，又有郭富城果套呢？《戀愛
自由式》就真係好似，兩姊妹爭一個男仔，游水勵志。可惜後生一輩完全唔掂，要靠老一
輩既艾威同鄧萃雯撐場，套戲又幾頭唔到岸，要笑又唔夠，又劇力又冇乜，唉！
《美麗在望》：醜小鴨還是賤精？
如果唔睇收視成績，剩係係播映期間去睇下班小朋友都會聽到「Go!Go!Go!」，睇時下最
受後生歡迎的雜誌（唔係官方刊物）都會有呢套劇的評論縱影。咁點解收視差咁遠？除左
《還珠III》因素（冇得講，係呢個時候，《還珠III》把TVB黃金時段收視扯低起碼５點
，要成個幾月先復原，唔賴佢賴邊個？起碼冇佢，TVB的收視差極都係《戀愛自由底》28
點的水平啦）外，呢套劇的定位都有問題，開宗名義，搵容祖兒扮豬扒都係想講「個樣靚
心地自然會靚」，但係後來竟然變成《賤精先生》電視版，仲要連主題曲「明年今日」都
唱埋（明年今日同賤精又有乜關係呢？成日用既），郭晉安係好戲兼比容祖兒更能擔大旗
，但係同觀眾期望不符喎！
《英雄、刀、少年》：臨危授命咁夠guts？
斬《還珠III》係TVB做得對的決定，但用《英雄、刀、少年》臨危授命接棒就真係好冒
險，事實亦證明係俾個藉口瓊瑤去反擊。平心而論，此劇拍得不差，除左一ｄ明明硬橋硬
馬的搞笑電腦特技，同埋好戲大俠劉松仁唔跟大隊剃頭之外，以捧新人的戲而言，合格有
餘。唯一陰謀論，係TVB想向瓊瑤示威：我地套劇用曬新人掛帥，全劇係香港拍，仲要成
日用舊戲服，收視都係同你果部號稱千萬元製作，成日重拍又停拍的《還珠III》一樣咋
？應該係邊個汗顏呢？
《俗世情真》：積福等節目欣賞指數
呢套劇反應算係兩極，彈者係沉悶冇野睇，讚者係有教育意義。沒法子，主題太沉重
，故事太正經太現實，感情線竟然係近年TVB劇中少有的──輕，加上《還珠3》效應餘波
未了（唔好意思，一賴到底），郭可盈呢個收視福將都要衰一次，譚耀文回巢首炮未有打
響都真係有ｄ可惜，要怨就怨Timing唔對……咪住，大家唔知TVB每隔幾年就會拍一套類
似的物體咩？（上次係《新鮮人》、《生命有Take2 》、《五個醒覺的少年》）除左要積
下陰德之外，就係「侯」住香港電台的電視節目欣賞指數，《新鮮人》都係當年的評審推
薦大獎之一，唔知今次《俗世情真》有冇機呢？不過係第三季的欣賞指數中，係低迷的TV
B及娛樂節目的欣賞指數中，能夠係劇集群中排第一，都算「不負眾望」。
《當四葉草碰上劍尖時》：青春劇是這樣拍的
冇錯，套劇數字上唔係好收得，不過周邊物品（包括歌，小說，以及一班真係青春的歌手
）好賣得，應該回到本，咁就係成功。青春劇唔需要劇情，更加硨糜醒菁繼箢眉熱藗S度ꄊ]故此上一輩就係梁漢文同姚瑩瑩），鏡要靚要自然，出下塞班島外景咁樣。唔係一定要
愛愛愛或者勵志，最重要show到係「青春無悔」。唔係講笑，大家會疑惑點解「四葉草」
係非戲劇組的拍檔，佢地講緊幕後製作，幕後操刀的係《勁歌金曲》的「綜藝組」，果然
係同《戀愛自由式》好唔同，值得再斬四兩，不過戲劇組可能會有聲出。
--
※ 發信站: 批踢踢實業坊(ptt.cc)
◆ From: 218.175.235.19