苟芸慧 「氣質咪神」獲力捧

2010/01/31

09年華姐冠軍苟芸慧被封為「氣質咪神」，擁有33C索爆身材，難怪在Ball場以Deep V現
身後即爆紅，她笑說：「有少少介意人哋將焦點放喺身材，希望Fans畀啲時間我，做好自
己角色！」

她在多倫多長大，廣東話麻麻，令她失掉演「Laughing嫂」的機會。不過無綫求才若渴，
她閉關「特訓」半年即獲力捧：「拍完《情人眼裡高一D》，要將螢幕初吻獻畀王祖藍，
但拍劇好好玩。之前請咗個老師教我廣東話，又成日喺屋企睇戲，睇多啲人哋嘅演出！
我覺得好幸運，咁短時間就畀公司睇中，希望遲啲演古裝劇！」

姓 名：苟芸慧（Christine）
出生日期：1983年7月11日
必 殺 技：皮膚白裏透紅、身材均勻、樣靚有學識
今年作品：劇集《情人眼裡高一D》
上位指數：*****

苟芸慧天生怕醜氣質封神

予人乖乖女形象的苟芸慧，近期升呢做「氣質咪神」，直言以事業為重的她，不急於拍拖
，還表示揀男友講心唔講金。

應屆中華小姐冠軍苟芸慧（Christine），出道短短日子已獲無綫力捧，首次拍劇擔正做
女主角，與王祖藍、黃宗澤主演新劇《情人眼裏高一D》，同時更獲不少品牌垂青，以性
感姿態出席公開場合，令人眼前一亮。由於她本身擁有獨特氣質，加上34C豐滿上圍，即
獲封「氣質咪神」。

放棄外籍男友

Christine對此說：「其實初時我唔明呢個名點解，因為中文唔叻，後來記者解釋畀我聽
，有人讚梗係開心，不過都幾尷尬，其實我最希望大家多啲留意我嘅工作。」外表甜美的
Christine去年隻身由多倫多來港選美，她直言起初也感孤單，現已開始適應香港生活，
問她可有男士追求？她說：「冇呀，呢排工作都好忙，好少有機會去街。（男仔會主動識
你？）其實我好怕醜，就算有男仔主動識我，我多數都唔出聲，搞到對方好冇癮。」

談到過往情史，Christine表示拍過三次拖，最長一段長達四年，她說：「當時我喺多倫
多生活，同一個外籍男友拍拖四年，但媽咪一直唔係好鍾意佢，因為佢覺得始終大家文化
唔同，大家諗法成日都有衝突，我夾喺中間好辛苦，但父母對我嚟講係最重要，所以同佢
分咗手。」

擇偶心地要好

對於近期選美出身的徐子珊和林莉分別傳出突然富貴，有傳有富豪「照顧」，她說：「唔
一定係富豪就啱自己，最重要大家諗法一致，心地一定要好，要愛惜我，呢啲要講緣分，
順其自然。」

友誼至上

高海寧：我好早就識苟芸慧，佢好靚好有氣質，唔化妝同化妝一樣咁靚，兩個人一齊好多
嘢講，我唔覺得佢係對手，市場要唔同嘅人。

馬賽：之前同佢喺台慶合作過，一齊跳舞，覺得佢好nice、好靚女，我只會留意自己工作
，唔會同人比較，亦唔知佢呢個新花名（氣質咪神）喎。

呂慧儀：我覺得苟芸慧個樣好甜美，身材又好，成日畀佢樣貌吸引住。（佢係勁敵？）唔
會，呢個圈唔止一兩個人，咁會冇新鮮感，要不停有新人出嚟。