大嬸最強 江美儀
2010/08/25 Face週刊170期 http://bbs.ent.163.com/bbs/tvb/185401205.html
剛剛大結局的《女人最痛》，對無綫來說，成績中規中矩，對扮演 Angela Auntie的江美
儀來說，卻是入行 13年以來第一次成為話題人物，第一次實實在在體驗到最高收視 5點
和 31點的分別。
「有人將我喺《女人最痛》所有出現嘅場口截圖擺上網，有人就將我所有金句節錄成
Angela Auntie語錄，嗰句對白：『咩大嬸呀？知唔知咩叫大嬸呀？你哋何以見得我係大
嬸呀？』仲攞咗嚟做電話鈴聲……你知唔知，從來未有人愛我愛到咁 o架！哈哈！」
造型浮誇、尖酸刻薄、不擇手段，一出場一瞪眼，恨不得用眼神就能「 」死人，江美
儀說 Angela Auntie是個不折不扣的死八婆，不過愈凶狠愈得觀眾喜愛，因為現在的觀眾
都精明，會分真假，知道甚麼是演技：「我喺亞視都有用心演，下下幾喼私伙拖返公司，
問題係邊有人睇到啫？係囉，亞視咪就係你哋唔覺意轉台至會經過咋嘛！」
在亞視浸足 10年，一身好演技走進無綫有了用武之地， 39歲終於有機會發力的江美儀，
狠起來的攻擊力絕對不比 Angela Auntie弱！
前身是 亞洲電視體育隊
09年三月才簽約無綫，不到一年半拍了《五味人生》、《搜下留情》、《巾幗Ⅱ》、《萬
凰之王》、《 Only You》、《女人最痛》和《刑警 2010》 7套劇集，儘管工作量是亞視
末期的 10倍，人工連一半還不到，江美儀還是說，無憾！
離開亞視前，我哋成班藝員笑自己係亞洲電視體育隊，日日約埋一齊游水、碌齡、打羽毛
球，一係就食飯行街睇戲。
唔走，係以為仲有希望，最重要，我返咗亞視十年，人工好高！高過?家成倍喎！咬住份
糧，又唔多使開工，有人請我哋返去打波行街食飯睇戲，安逸到咁，自然有惰性，自然唔
願郁。
直到 08年將近滿約，明明一早傾過續約，講嘢唔算數，臨到約滿前兩日再捉我返去由頭
傾過，雖然我知我襟撈爛做冇投訴，佢哋真係唔想我走，再留真係好冇尊嚴囉……
離開亞視以後，已經想過 TVB，但冇乜聲氣，直到做咗成年電台(港台《瘋 Show快活人》
主持)，先至有人聯絡我，話《五味人生》有個角色啱用……可能等我啲亞視味冇咁重啩
。
唔做過真係唔知，原來兩邊差好遠。
“以前喺嗰邊(亞視)，有錢人同交際花套衫可以一樣，視乎演員氣質着出嚟咩就咩囉！”
江美儀在《女人最痛》中扮演的 Angela Auntie為人刻薄、專針對 Noble姐（米雪）、又
愛打開心口搵位上，但招愈賤愈受觀眾歡迎。
嘩！ TVB啲眼影又紅又紫又綠、仲要日日黐眼睫毛添！我做咗亞視十年從來冇黐過眼睫毛
、個妝從來未試過有顏色 o架！因為亞視打光暗，出到嚟顏色差一大截，妝太多色彩上鏡
會變灰，化咗十年都係自然妝。
以前喺嗰邊，有錢人同交際花套衫可以一樣，視乎演員氣質着出嚟咩就咩囉；髮型造型演
員唔諗冇人幫我哋諗，個個返工好似出 trip咁拖幾喼私伙；明明個頭要電鬈，個髮型師
一句：「直咪幾好！」就咁 hea住同你吹直；演員入到廠，先至問番我今日拍邊場、望鏡
望邊部機，根本劇本望都未望過……你明唔明，我?家開工，搵到人同我對稿嘅感覺有幾
興奮幾生猛？
不過公平啲講句，《肥貓正傳》年代出街都有人叫我 Connie姐姐，冇咁多咁解啫！過去
嗰十年又唔覺得浪費嘅！因為真係爛做乜都識，去到一間大公司做新人，起碼比其他新人
好使好用。
拍過 發哥黎明和劉華
「 Connie姐姐」是江美儀電視處女作《肥貓正傳》的社工角色，在此之前她是全職model
，長年 keep住 20吋油亮烏黑的頭髮吸客，是洗頭水廣告和音樂錄影帶最愛用的氣質型美
女，代表作是 1996年出動到發哥為她洗頭沖水的「百年潤髮」洗頭水廣告。我父母是銀
行職員，家住灣仔，有個妹妹，大專喺珠海讀工商管理，畢業後喺灣仔返工做秘書。
有日幫個鬼佬老細買三文治，俾個女仔捉住：「小姐，你把頭髮好靚呀，好適合拍我哋一
個洗頭水廣告！」……呢個廣告就梗係唔係周潤發嗰個啦！當其時我同佢講：「唔好啦！
你哋呃人嘅！」就冇咗件事。點知個女仔鬼咁有誠意，搵咗我成半年……真係整定，咁啱
半年後我去歐洲旅行返嚟使晒啲錢等錢找咭數，計吓條數，反正冇錢俾人呃，就聽佢講去
咗試鏡。第一次 casting就成功拍衛生巾廣告，連拍兩個等於我一個月人工，咪乾脆辭咗
份工囉。
做 model年代，本來有個 auntie話想提名我選港姐，我由細到大得三個願望，做港姐、
空姐同秘書，咪同爸爸講：「選港姐啦爸爸，有車有樓有朋友喎！」爸爸講咗一句說話我
好感動，令我打消咗呢個念頭：「做 model着泳衣係為咗工作，選美着泳衣係為咗證明自
己，我覺得我個女唔需要咁樣去證明自己。」……?家諗番，梗係選咗好啲啦。
我 96年拍周潤發嘅廣告，之後再拍咗三首 MV，一首係黎明；另外兩首係劉德華〈忘了隱
藏〉同〈你說他是你要嫁的人〉。我特別記得第一次見發哥，佢主動同我握手：「你好，
我係周潤發！」我梗係知你係周潤發啦……嗰次咪知，原來無論去到咩位，幾時都應該要
謙虛。
話你聽，最近有個朋友同發哥食飯，發哥仲託朋友問候我，話記得邊個係江美儀，感動到
我呢！
從影以來九成角色是凶狠女強人，試過挖苦亞視女食神黃麗梅金句「飯有飯味、雞有雞味
」，聲線粗豪、說話鏗鏘、揚起一字眉霸氣十足，現在與吳君如胞弟吳君祥拍拖五年的江
美儀說，自己也有柔弱的一面，只不過大家看不到。
加入 TVB年半工作沒停過，江美儀說繼《女人最痛》後，最期待的還有做柴九老婆的年度
劇霸《巾幗梟雄Ⅱ義海豪情》。
亞視 10年，江美儀話拍劇、主持、旅遊節目、廣告頒獎典禮、港男司儀乜都做齊，最緊
要一班亞視藝員相依為命感情深厚。
拍完周潤發的洗髮水廣告，江美儀被亞視誠邀演出《肥貓正傳》的社工 Connie姐姐。
結的 分不了
外表強、講嘢倔，實情我都有攬住枕頭喊嗰下，你哋見唔到啫。感情事，要到有番咁上下
年紀，最近先至叫做學精咗少少。
我拍慣洗頭水廣告同 MV，外表人哋話係氣質型，一出聲其實都幾反高潮。細個拍拖，用?
家嘅語言，嗰個年紀唔係搵男朋友，係搵 fans，最好你就當我女神，乜都就晒我聽晒我
話。
第二個階段，覺得我對你好，你就固然對我好。又係錯，一味付出，到佢畀少少你，就覺
得幾咁感恩！唔係咁囉……試過最笨一次，明明所有 signal都話畀我聽有第三者，係都
要扮蠢扮唔知，以為自己好偉大，到有日喺佢電腦見到嗰啲相……唔到我唔醒。
有啲嘢係要到呢個年紀至學識，?家嘅男朋友（吳君祥）一齊 5年，大家都明白大家最愛
自己，大家都唔會迫對方去做啲咩，但又可以一齊分享所有事情，呢種關係最舒服。
以前我係唔係都要贏，唔滿意一定要出聲。?家我唔嗌交，有衝突會選擇收聲，唔高興咪
等佢落咗啖氣時再提出囉，好多 hard time往往就係火遮眼嘅時候發生。過咗咁多年，我
真係搞清楚一樣嘢，人生係由好多好多回憶組成，回憶係好定壞，選擇權其實喺自己度，
明白嘛？
Auntie的智慧
真正刻薄的是 Angela Auntie，還是叫別人熟女、剩女和 Auntie的人？江美儀說活了 35
年，才戒煙戒酒學會要對自己好，把自己放在第一位，明年就 40歲的她，不留戀青春，
只愛 40歲美貌與智慧並重的自己：「我聽過一個例子，有個女人買咗隻碟好想聽，但返
到屋企老公要你煮飯，仔女要溫功課、要沖涼，好多嘢等你做，你又好想扮演好呢個好老
婆同好媽媽嘅角色，結果咪一直冇得聽隻碟，帶住啲怨氣去完成工作囉……你想點得你自
己知，既然咁想聽，點解唔買番嚟聽咗先呢？要錫自己多啲呢個道理，就係咁簡單。」
前男友是張瑛兒子張煒，拍拖多年， 02年更一度傳出婚訊，結果還是分手收場。
“至於結婚？冇必要，結的分不了，分的結不了。”
男友吳君祥（左） 06年在灣仔開酒吧，江美儀與男友父親夏春秋齊齊捧場，酒吧多年前
結業。
與男友父母及姐姐相處融洽，江美儀常被拍到與夏春秋、吳君如、陳可辛齊齊家庭聚會。
o靚模年代的江美儀，拍住發哥拍洗頭水廣告，唔係咁多人有呢個機會 o架！
撰文：朱小博
攝影：蔡榮章
形象： Bryan@ the Flaming
化妝： Katherine Lo
髮型： Raymond@Lachioma IL COLPO GROUP
服裝提供： Arrogant Cat