法拉幫男友鬥垮Neway二少
2010/07/28 face週刊 166期 http://bbs.ent.163.com/bbs/tvb/183217928.html
阿嫂出手 拉攏樂易玲 法拉幫男友鬥垮 Neway二少
7月簽約下年出碟
陳法拉：傳聞唔可以盡信……佢家人感情好好，其他嘢我唔方便講。真實對白
行政總裁 Herman：呢幾年我都一直做緊 TVB啲藝員 o架！咁熟唔使靠人。（幕後老闆係
大少？）呢個百分之二百唔係，老闆係圈外人。《蘋果日報》圖片
諸葛梓岐男友、 Neway二少薛嘉麟自取代大哥接手家族生意，即為集團蝕變賺，更吞埋加
州紅做獨市 K場；搞到陳法拉男友、失勢大少薛世恒忍唔住出招，近日拉埋 Neway棄將
Herman Ho（何哲圖）秘密開「星煥國際」。
兄弟「分家」鬥法，加盟「星煥」做一姐的法拉亦出唔少力，據知法拉為幫男友，拉攏她
一直視為伯樂的 TVB高層樂易玲，穿針其他藝員如欣宜等人加盟造勢，為求鬥垮二少。
二少入主 Neway後，貫徹老父慳儉作風，先向大使高層 Herman Ho開刀。知情者說：「
Ernie（薛嘉麟）睇數好緊，唔似大少咁大使，搞到公司蝕大錢，於是二少 4月咪炒咗
Herman囉。」
法拉風騷加盟男友做幕後老闆嘅公司；而諸葛梓岐就同男友薛嘉麟活躍 ball場。
法拉一向盡得樂易玲歡心，難怪劇接劇，做到冇停手。《忽然 1周》圖片
夫妻檔
薛世恒曾拍得入 TVB探法拉班，據悉最近法拉亦頻約樂易玲同男友洽談合作事宜。
另起爐灶
兄弟內訌，二少更曾拍枱禁大哥返工。「自從大薛將業務交晒畀二仔（薛嘉麟）打理，大
少就失勢少嘢做，有日大少返公司開會，話想做番啲嘢，點知二少就拍枱反對，話如果大
少再插手，自己就唔做喇！」此地不留人，大少即搵亦成棄將的舊屬 Herman再戰江湖。
「 Herman決定另起爐灶投資搞間唱片公司，表面上老闆係 Herman，實際泵水嘅係大少，
又可以名正言順捧自己女友法拉做歌手。」
據悉，大少更憑法拉在 TVB的關係密會高層樂易玲， 7月初開記者會宣布陳法拉、鄭欣宜
同關心妍正式加盟壯大聲勢，下一步再拉攏多幾位藝員出唱片，整番間倒模 Neway。不過
投資有道的薛嘉麟一於少理，深明唱片賺得少，最近決定將資金轉移大搞房地產，兩兄弟
正式各行各路。
兄弟互鍊
大少幫（星煥國際）
陳法拉—力捧一姐
欣宜—樂小姐拉攏
關心妍— Herman舊愛將
吳若希—唱得新女
現時星煥只簽咗 4位歌手，（左起）新人吳若希、欣宜、關心妍和法拉。最早派歌嘅會係
8月嘅關心妍。
二少幫（ Neway）
胡杏兒—剛續新約
鍾嘉欣—剛續新約
張智霖—蝕住做
劉璇—新簽
HotCha—大小通殺
鄭融—半棄狀態
星光幫：羅力威、亢帥克、蔡梓銘
（ Cheap簽回報高）
去年 6月，張智霖加盟 Neway，薛濟傑（左二）和二少 Ernie（中）及一班旗下歌手都有
現身撐場。