陳法拉嚮往婚姻養身等生

2010/09/24 東方日報
http://bbs.ent.163.com/bbs/tvb/187703560.html

陳法拉與Neway太子爺薛世恒感情穩定，有指她與男友已秘密結婚多時，但法拉堅決否認
，不過她坦承女人最終還是要有個家庭，婚後不介意嫁雞隨雞，自言父母恩愛的感情，令
她對婚姻充滿憧憬。

近期整容隆胸盛行，陳法拉認為女人要重拾自信亦無可厚非。

近年陳法拉事業可謂一帆風順，劇集一個接一個，同時憑着美好身段及嬌嫩肌膚，廣告及
活動亦接踵而來。

人紅自然多新聞，近日她不斷被指已秘密結婚，雖然法拉矢口否認，但傳聞依然沒完沒了
，她帶點無奈地說：「我覺得我嘅私生活真係冇必要同大家講太多，我只可以講，我覺得
自己好幸福，由細到大自己都冇乜捱過苦，工作、家庭同感情都好順利；我爹哋媽咪感情
好好，係佢哋令我對婚姻有信心，而我亦都希望有個家庭，同埋自己係獨生女，所以都想
有多啲小朋友。」

陳法拉感激上天眷顧，令她的人生非常豐盛，她亦學會感恩。

想攞奧斯卡

有想過婚後如何嗎？她想了想說：「女人其實好大壓力，結婚之後就要做個好太太，如果
生埋BB更加要做個好媽咪。（會唔會繼續工作？）好難講，要睇好多嘢，例如睇吓老公會
喺邊度做嘢啦，好多嘢唔係依家可以即刻答到。」有和另一半商量嗎？她笑說：「同媽咪
商量緊要啲，佢成日問我幾時結婚？幾時畀佢抱孫？我自己都覺得BB應該趁後生生，我目
標係35歲之前，所以依家要開始養好身體。」

28歲的陳法拉對婚姻有憧憬，但近年事業愈見成功也不無野心，曾經自言忙得與男友拍拖
的時間都沒有，原來法拉自有一套爭取見面的方法：「既然自己忙，就惟有諗方法，好似
拍劇中間有兩個鐘放飯時間，咁咪食餐飯囉！」法拉說現階段很想事業幹好一點，想拿視
后嗎？她笑說：「想攞奧斯卡影后！哈哈，其實公司都有安排我見外國嘅製作人，希望可
以多方向發展，不過有時工作都要講機緣，呢行除咗要自己努力，運氣亦都好重要。」

薛世恒感情穩定，不過法拉堅決否認已婚。

不適合香港

法拉承認一直行運，她說：「其實我個人好直，基本上唔適合香港，更加唔適合做娛樂圈
；啱啱入行得罪好多人，睇唔過眼就一句篤爆人，不過吃得虧多就會學精，娛樂圈令我成
長咗好多。」

日夜顛倒不忘進補

大忙人陳法拉拍劇日夜顛倒，皮膚身形依然keep得相當好，問到她有何養生心得？她說：
「我平日一有時間就會跳舞，可以 relax又keep到fit，同埋湯水都好重要。加上我會用
Clinique新出嘅Repairwear Laser Focus Wrinkle & Photo Damage Corrector，集三種
精華於一身，方便我呢啲咁忙嘅人護膚，可以慳番好多時間。」

採訪：Ada Lam
攝影：司徒國榮