成精之路 梁政珏
2011/02/08 Face週刊194期
http://bbs.ent.163.com/bbs/tvb/197166161.html
這些年，雖說甚麼姣精、咪精的稱呼氾濫，電視台人多女多小花多，要成精，亦不容易。
出道三年， 29歲的梁政珏極速成精，我以為，先天和後天因素都少不了。
父親是大律師梁衛民，外傳身家五億，處女演出《同事三分親》就被傳獲珍姐曾勵珍點名
力捧，這是先天。
上圍 33C固然先天生成，但像梁政珏這樣從不吝嗇展現於人前，拍戲行騷穿起三點式絕不
扭擰、台慶夜谷行但求突圍、還周不時有夾胸自拍床照外洩的，絕對是後天努力與進取。
身家和上圍的數字遊戲玩得耍家，是非題梁政珏亦很有天份。
自爆拍劇被收音師性騷擾似 AV女優，梁政珏說是被記者屈：「咁樣講人（說收音師性騷
擾自己），好冇教養！」
客串電影穿水着被水槍射，不滿意角色 cheap過 o靚模，梁政珏亦話沒講過：「係雜誌炒
作！」
去年與無綫簽下七年經理人合約前，一度傳出被王晶(目及)中做晶女郎，結果冇面畀拒絕
王晶，梁政珏亦否認：「我從來冇講過咁嘅嘢……」
一邊說，梁政珏還碌大眼嘟起嘴，擺出一張無辜的臉，說自己只是個愛演戲愛體會生活的
女孩子，常被扭曲言論擺上枱實在是有苦自己知。
我連忙安慰她，叫她放心，專訪是最好的自白平台，保證原汁原味、詳細盡情，兼且萬大
事還有現場錄音，包保無爭拗。
演技比記性好
拍照這一天，經理人要為其他藝人趕下場，梁政珏特別要求訪問要在經理人在場的情況下
先進行。
剛在《誘情轉駁》中飾演身染毒癮的黑社會大佬千金、有份客串賀歲片《我愛 HK開心萬
歲》、新劇《 Only You只有您》將於情人節推出，梁政珏說自己目前剛完成劇集《真相
》，正在傾新工作，過完年有機會北上拍電影。
「我喺呢個劇（《真相》）係做黃浩然前女朋友，同佢喺酒吧撞番撻番着，佢其實鍾意楊
怡，又發現我一腳踏兩船，我就跳海以死威脅、又要佢俾掟煲費……咁嘅女人都有嘅……
」
剛接手兩個月的經理人插口問：「套劇監製係邊個？」梁政珏眼仔碌碌：「嗯……呢個問
題呢…….係徐生嘅……好似……」徐生，應該說的是《誘情轉駁》監製徐遇安。但其實
《真相》的監製是王心慰才對。
「我唔係記性差，係劇集一套一套咁拍，有時拍完即刻出街，《 Only You只有您》就係
09年拍但?家至播，個人好亂。觀眾都亂啦，《 Only You只有您》我仲有啲 baby fat，
o依家瘦到衫都好難買，最近增緊肥。」
我問去年簽約無綫的梁政珏，滿意三年以來的發展嗎？梁政珏答道：「我由細到大都係一
個完美主義者，呢幾年返得佛堂多，發覺咁樣唔係太好。初入行第一套劇，擺位打光鏡頭
乜都唔識，梗係零滿意啦。但之後，拍《美麗高解像》時突然間識晒，畀膽自己，冇咁多
顧慮，出嚟效果好開心。其中一場戲講我 OD，喺街度發羊吊。其實嗰條街好污糟，喺正
我頭落地嘅行人路，就有一灘倒瀉嘅汽水、成堆蟻躝緊，我諗都冇諗就瞓落去、一 take
過搞掂，自己真係有啲 suprise。從此以後好有成功感，戲癮好犀利。」
“我唔介意俾人話我靠關係……做任何行業都要靠關係 o架啦。舉個例子吖，高海寧都係
靠關係?，佢好識 social，佢好叻呢樣嘢，其實落力做嘢咪就係搞關係囉！”
高 Ling都靠關係
梁政珏是 07年的藝訓班畢業生，第一套劇是在《同事三分親》中飾演便利店收銀妹，第
一次入劇組個多月，就有報道指她背景猛料，所以獲高層珍姐特別交帶要多俾機會。
「其實 TVB係一間可以俾到人好好前景嘅公司，只要你唔係玩、態度好同勤力，就一定有
機會。愈係名人、猛人後代愈唔係好事，其實呢個報道對我有負面影響。因為大家都以為
呢件事係真，搞到同事睇我嘅眼神……唔會好囉。其實識得珍姐嘅人都知佢唔會咁做，相
反愈係有人恃住有背景，愈係唔睬你囉！」
在美國大學主修時裝採購，副修商科的梁政珏說，自己本來喜歡研究人性，大學原意是讀
心理學：「但見到啲讀心理學嘅同學日日要讀好多書，仲要本本書都係又厚、啲字又細，
我自問英文唔係好到咁，又唔想大學生涯就咁過，於是揀咗科自以為輕鬆嘅科目讀。」
結果，時裝採購原來不是扮靚 shopping咁簡單，梁政珏說大學生涯有一半時間都在實驗
室過，研究各類布料在顯微鏡下的織法、卷曲度，直到畢業那年被美國公司高薪聘請，才
覺得不甘心朝九晚五就咁一世：「嗰年係我人生第一個低潮，第一次諗自己到底想做咩，
嗰年經濟差，人哋人工一萬都唔夠，我第一份工圍開萬尾港幣，仲有好多福利同房屋津貼
，我一啲都唔開心，打俾爹哋媽咪求救。係媽咪叫我係時候問自己，到底想過一個點嘅人
生……」
攝高枕頭諗清楚，梁政珏說自己最喜歡與人接觸，最希望了解不同階層的生活，做演員最
適合：「入行咁就三年幾，真係眨吓眼就過。諗通啲，做咩職業都有各種各樣傳言同輿論
，我唔介意俾人話我靠關係……做任何行業都要靠關係 o架啦。舉個例子吖，高海寧都係
靠關係?，佢好識 social，佢好叻呢樣嘢，其實落力做嘢咪就係搞關係囉！」
全靠穿上谷爆低胸晚裝硬騷 34D巨咪，梁政珏在全台花旦雲集的台慶夜，亦成功突圍而出
搶到版面。《忽然 1周》圖片
09年參演王晶導演的《美麗密令》，被傳王晶力邀簽約做晶女郎：「其實我冇講過王晶想
簽我，亦冇話過我拒絕咗王晶先改簽 TVB經理人合約。」
去年與梁政珏口中叻搞關係嘅新咪精高海寧齊齊客串《 72家租客》，扮硬銷手機的三點
式 o靚模，要被客人用水任射。
邵氏製作的賀歲電影《我愛 HK開心萬歲》電視台人人有份，梁政珏亦不例外客串一角，
旁為導演鍾樹佳。
兩年前拍落的《 Only You只有您》情人節終於推出，梁政珏說今年未有新劇拍攝，但有
機會拍攝內地電影。《壹週刊》圖片
我賺錢買花戴
突如其來拿一向被指惡鬥身材的電視台另一咪精做例子，梁政珏轉個頭又補充：「我頭先
攞高海寧做例子，唔好誤會，其實係讚佢人緣好咁解……人與人嘅關係係千絲萬縷嘅……
」
甚麼被收音師性騷擾、嫌 o靚模 cheap、拒絕王晶，梁政珏說自己幾次被捲入是非，都是
被傳媒斷章取義，原則上是可以告有關傳媒和記者的：「唉，我又唔想搞到咁，我仲要喺
呢行做，無謂搞差關係。當係上咗一堂，第時講嘢小心啲囉……」
一番話提醒我，梁政珏有個大律師父親、有傳身家五億，有錢有勢有專業團隊做後盾，要
告的確告得起：「唔想講屋企人，唔想講感情，都係講番我自己啦……」
「爹哋身家幾多，我唔想講啦……我舉一個例子，不如講耶穌啦，爹哋就係咁，唔係捉魚
畀我食，係教我點捉魚。細細個我嘅零用錢已經係全班最少，一個人去美國讀大學亦要報
告佢聽錢用咗去邊，每樣嘢係唔係真係有需要。爹哋唔係唔畀我使，而係要我明白買每樣
嘢有咩價值，要我明白搵食艱難。」
我問梁政珏結果知道搵食艱難了嗎？梁政珏扁起嘴、帶着哭腔說：「o依家知啦……細個
一日食幾百蚊，?家計吓條數，一日幾百蚊，我份電視台人工真係唔夠我食囉……我諗我
份糧唔會夠任何一個正常人食囉！」話一出口，梁政珏望望經理人：「唔知我咁講係咪又
講錯呢……我係賺錢買花戴，起碼我唔使擔心住，香港住屋真係好重皮，就算咁，我嘅人
工其實唔夠用，係夠入油，食埋嘢已經唔多夠……其實我好蠢，入行唔係話要做花旦、唔
係要搵第一桶金，我淨係鍾意做戲，淨係想打份工，每日都可以學嘢咋！」
07年藝訓班畢業在《同事三分親》中飾演便利妹，外傳因為有個猛料律師父親獲珍姐特別
照顧：「認識珍姐嘅人就知佢唔會咁做。」
與潮牌 Ground-Zero老闆兼設計師男友 Eri Chu拍拖五年，不時被影到拍拖食飯睇醫生，
梁政珏說感情事不想多提。
“我份電視台人工真係唔夠我食囉……我諗我份糧唔會夠任何一個正常人食囉！”
給你一串吻
雖然自言不愛搞新聞、喜歡靠實力，梁政珏卻常有自拍肉照流傳網上。
我問梁政珏，娛樂圈容易交朋友嗎？她吞吞吐吐只笑不答。
我再問，那圈中最要好的是誰，梁政珏想了半天，說是這天陪在她身邊的經理人。趕下場
的經理人先走一步，人到影樓門口時，梁政珏還對着她遠遠大喊：「 I love you……」
然後「啜啜」給了一串響噹噹的飛吻。
我在想，拍照的空檔，我明明聽說兩人才合作兩個月，見面的機會沒有幾次，這感情想必
是相逢恨晚一日千里，才迅速發展到這個程度。
撰文：朱小博
攝影：蔡榮章
形象： Bryan@the Flaming
服裝： Y&Y