梁政珏低 V高能

2011/02/23 Face週刊196期

唔走光咪得囉！真實對白

梁政珏當日表情多多，連披肩都唔着就滿場飛， 34D湯碗胸任人睇，難得佢大方承認話件
婚紗自己揀，敢露敢認 FBI又服佢喎！

無綫新劇《 Only You只有您》週日（ 20日）入到屯門黃金海岸宣傳，劇入面 10個女角
全部婚紗上陣，其中同鄭嘉穎做一 pair嘅蒙嘉慧俾人狂叫「鄭太」，恨嫁鄭伊健恨到出
面嘅佢全程笑到見牙唔見眼。

俾「鄭太」搶晒鏡，大配角梁政珏惟有出絕招，專登揀件大 deep V襯番 34D身材，巨咪
大晒冷成功轉移視線。今劑擺明賣肉，梁政珏就話係監製開綠燈，「本來有幾套婚紗畀我
揀，初時我都驚呢件太性感 o架，但同監製商量過，佢認為做宣傳冇所謂，唔走光咪得囉
！」係就係做宣傳，不過究竟係幫套劇定幫自己， FBI都唔敢亂估喇！

埋身遮咪
點知到李中希預備抱起梁政珏影相時，佢又突然驚青揞心口，見好即收，走光就反蝕囉！
坐喺佢後面嘅唐詩詠得個恨字囉！
妖，好叻咩！設計對白

架生自救
冇人理嘅 o靚妹李綺雯，拎住佢部成 5千蚊嘅 Olympus Ep1-2周圍影，仲叫唐詩詠側晒頭
做佢 model，之後又嗱嗱聲一齊睇相，冇人影，咪惟有影人囉！

同唐詩詠研究完， o靚妹再將佢嘅大作晒畀在場班攝記哥哥欣賞，齊齊分享攝影心得，明
知班攝影大哥鍾意玩相機， o靚妹識投其所好，起碼都博到一兩張相影吓，唔使齋企咁悶
！

最強事業
全女班着晒婚紗影大合照，蒙嘉慧唔執輸「得」正中間霸住個正印位，不過冇人夠梁政珏
咁搏命，齋睇呢張相，就知邊個事業心最強啦！
左起：沈潔兒，梁政珏，楊秀惠，唐詩詠，姚芷羚，蒙嘉慧，田蕊妮，姚嘉莉，李亞男，
李綺雯，李思恩

撰文、攝影： FBI