百病纏身　79歲琴姐無奈退休

2010-10-02 忽然一週792期 http://bbs.ent.163.com/bbs/tvb/188449900.html

本周二（ 28日）晚，琴姐在好友和助手陪同下到新光戲院演唱粵曲，她說：「原本都唔
想唱，怕應付唔到，不過已經印晒海報，冇法啦！」

李香琴年初拍《公主嫁到》時突然不支暈倒，就連自己的生日也要在醫院度過，令女兒、
三個孫兒及娛樂圈一眾契仔契女都擔心不已。

據知琴姐與無綫的合約將於 12月屆滿，縱使她不想與時代脫節，希望繼續工作，但在家
人多次勸阻之下，琴姐亦惟有選擇退休。

本周二（ 28日）晚，她在新光戲院完成一場粵曲表演後，對記者承認：「年紀大機器壞
啦，近年記性又差咗好多……唔做 o架啦，上次我入醫院擔心到佢哋死死吓！」畢竟琴姐
已經 79歲，本周日晚播映的兩集《公主》大結局，相信就是她的告別作。

完成粵曲演唱 79歲李香琴無奈退休

琴姐 08年由亞視重返娘家無綫，兩年間拍了近百集重頭電視劇，如《家好月圓》、《情
越雙白線》和《公主嫁到》，每套收視均報捷。琴姐擔演的角色亦戲份甚重，長期勞累最
終搞到體力透支暈倒，為此她說：「點都近 80歲人，精神梗係唔好。近年記性差咗好多
，但我又唔想衰俾啲後生睇，所以寧願瞓少幾個鐘，都要唸熟晒劇本至入廠囉，咁就更加
唔夠休息。自從嗰次暈過之後， TVB監製都怕咗我。」

琴姐在人前往往精神奕奕，但原來她周身病痛，「自己一向血壓低，要長期服食心臟藥和
血壓丸 o架。」 99年，她發現自己膀胱生瘤，故每年要到養和醫院檢查，提防良性瘤變
異，她還食用不少中藥保健。最近一次作身體檢查，更驗出血液有異常情況，她說：「醫
生話我啲血嘅癌指數略高，我有啲擔心，但 check咗好多次，都驗唔到身體邊度出問題，
仲使咗幾萬蚊

今年 1月初，琴姐拍《公主》時因抵不住寒冷及疲累而暈倒送院，家人惟有買蛋糕在醫院
為她慶祝生日。《蘋果日報》圖片

當晚琴姐早早到後台準備，並由化妝大師陳文輝為她上妝。

穿上火紅長衫、容光煥發的琴姐，看上去絕對不似 79歲，她與譚炳文細佬合唱一曲《隋
宮十載菱花夢》，依然中氣十足。

琴姐已經十幾年沒唱粵曲，只因譚炳文乖女譚淑瑩（左一）力邀之下，才膽粗粗與炳文細
佬譚康文（右一）合唱。

阿呂支持契媽唔做

說到退休這個無奈決定，琴姐說：「上次我入院，擔心到佢哋（指家人及圈中契仔契女）
死死吓，猛勸我見好就收，得閒約朋友嘆吓茶打吓麻雀咪好囉。阿呂（契仔呂良偉）以前
成日約我飲茶同旅行，我都唔得閒，問我做得咁辛苦為乜？其實做到嘅都想繼續做，但係
我唔想去到連劇本都記唔到，做衰個名至走……唉，唔做啦！」據知拍攝阿旺系列的無綫
監製黃偉聲，早前力邀琴姐在其新劇中扮演林保怡阿媽，但琴姐一聽又是古裝劇，即慌忙
推掉。

斟洽簽「一年一騷」

琴姐去意已決，但家有一老如有一寶，無綫為防琴姐在其他電視台亮相，依然與她斟洽「
一年一騷」合約。琴姐坦言：「我都話唔再做，不過 TVB叫我續多一年，話反正只係簽一
個騷啫，唔鍾意可以唔做，好自由咁話。人哋講到咁，我咪簽多一年囉，唔好意思嘛！」
記者聯絡過主管藝人續約的樂易玲，但至截稿前仍未獲回覆。

近年琴姐為了補身和養顏，會定期到相熟中藥店把田七、冬蟲草、丹蔘、藿山石斛磨成粉
，份量夠食一個月，花費約 9千元。

收視報捷

琴姐重返無綫兩年，播出的劇集收視均報捷，如她所說，算是對自己有個交代。

《溏心風暴之家好月圓》 最高收視 50點

《情越雙白線》 最高收視 35點

《公主嫁到》 最高收視 38點


好友支持

琴姐宣布退休，圈中好友和契仔契女都大表支持，覺得她應該要嘆吓世界。

契仔呂良偉表示多次約琴姐去旅行，但次次她都要拍劇去不成。「搵得琴姐做嘅，又點會
俾佢少戲吖！咁咪辛苦囉！唔做都好正常啫！」

菊姐在《公主嫁到》中演琴姐家嫂，目擊琴姐暈倒，所以十分贊成她「嘆住嚟做」，「拍
一兩場嗰啲咪過吓癮囉！唔想佢咁辛苦呀！」

譚炳文是琴姐多年拍檔，近年因健康問題早已不再工作。對琴姐仍活躍幕前，他說：「佢
病即係頂唔順啦！仲咁辛苦為乜！」


演西宮出位

廿多歲的琴姐毫不吝嗇着泳衣亮相。

原名李瑞琴的琴姐，在廣東順德出生不久便隨父遷居澳門。身為錢莊及紙料店太子女的她
，毅然加入粵劇行業， 16歲正式踏台板，想不到 1956年轉做大銀幕後有更加大成就。她
拍過百多部粵語長片，尤以奸妃、後母、情婦等角色最出位，故有「西宮琴」稱號。

72年琴姐加盟 TVB《歡樂今宵》，演《親情》、《家變》、《網中人》等多部電視劇，至
 90年宣布過檔亞視而得罪 TVB，終於在 18年後（ 08年）才能重返娘家。

撰文：梁紫玲
攝影：鄭家駿