樂瞳：咁做違反道德!

2011/05/12 星島日報

被傳介入老闆婚姻變「小三」 樂瞳：咁做違反道德!

樂瞳（Cilla）在劇集《點解阿Sir係阿Sir》中扮演曳學生妹，火速打低糖妹成為宅男的
新女神。原來「女神」唔易做，壓力真係好大，最近就被傳做「小三」，令她激動得不停
標淚。紅人真係唔易做，真係要食得鹹魚抵得渴。
採訪：方騫平

化妝：Vinic Tsang            髮型：Renton hung@via ilcolpo
服裝：Tout a coup、Lgmarket  場地提供：又一城i.t.

穿覑碎花背心短裙仔，身高5呎2吋的Cilla，大晒「長腿」，散發24歲青春魅力，難怪令
宅男心如鹿撞！Cilla無奈道：「我無度過腿長呀，唔好將焦點放在我對腳啦，我成日俾
人笑條腿好粗，反而覺得22吋纖腰最性感，因為patpat有34吋，感覺上對比較大！」

樂瞳獲DJ Tommy賞識，09年曾簽下CMD成為重點推介女新人歌手，因為得到老闆愛錫，竟
然傳出緋聞，變成DJ Tommy同太太之間的「小三」。

呢件事令Cilla耿耿於懷，她無奈說：「我根本無做過，佢懐兩公婆都唔知幾恩愛，有時
我同老闆食飯，佢太太都會在場，完全係作故仔，老闆幫我好多，投放咁多資源畀我，
我要多謝佢，傳聞會對我形象影響好大，尤其是婆婆同公公係大澳鄉下人，最怕街坊睇到
會誤會係真，兩老以為個孫女破壞人家庭。」

聞緋聞亂發脾氣

入行三年，呢件事令Cilla打擊最大，她說：「我眼淚直標，喊?好多次，又鲻得唔好，狂
躁兼亂發脾氣，好彩得到父母安慰同支持。事後我都有見過Tommy，佢都唔好意思，大家
更避談呢件事。」Cilla用強調語氣話：「我絕對，絕對唔接受做人小三，真係違反道德
呀，幾鍾意都不能。」

另外，又有指她發電迷倒同劇K4成員18歲?朱敏瀚（Brian）同埋黃得生（Dickson），她
一口否認：「梗唔係，Brian仲細過我細佬呀，之前佢懐同我出街輪流幫我拖篋，係展示
男士風度。」

※ 身高5呎2吋的Cilla，拍照時大晒「長腿」。

※Cilla對被指是「小三」感到激氣，更大呼冤枉。

※Cilla（右三）的學生妹扮相，迷倒一眾宅男。資料圖片

※樂曈多謝老闆DJ Tommy對她的栽培，對傳出緋聞很不開心

引Fans埋身合照

樂曈最近憑《點解阿Sir係阿Sir》的曳妹出位，日前與她到公開場合拍照時，這個小妮子
已吸引到有Fans埋身，要求合照（見圖），看來「宅男女神」之名並不是浪得虛名。