珍惜羽毛 珍姐下旨洗底 陳智燊色戒冇女食

Face周刊208期  2011/05/17

上週四（ 12日）下午， Jason與 o靚模 Anjaylia在尖沙咀拍外景，一直冇偈傾嘅二人一
見導演葉念琛要影相放上微博，即刻好合作 chok樣合照，呢啲就係演技囉！

筍盤難求，尤其當「神級筍盤」陳豪再被私有，好彩最近有新盤接力，在《誰家灶頭無煙
火》做乖仔學廚嘅陳智燊（ Jason），憑 5呎 10吋身形配斯文書生樣，加上 ABC出身零
 MK麻甩味，吸盡 C 9同 OL粉絲。

不過早前被指先後嗒過陳茵媺、陳美詩等四小花，而被封為新一代溝女王，形象扣分。據
知受高層曾勵珍力捧嘅 Jason，為免得罪伯樂並要止蝕，惟有即時聽從珍姐下旨，守色戒
洗底！

33歲 Jason在英國倫敦土生土長，並擁倫敦大學經濟學碩士學位，加上父母經營餐館，中
產味濃到足以迷死港女。入行 5年，除主持明珠台節目《 Dolce Vita港生活．港享受》
多人識，今次在《誰》劇升呢擔正總算成功入屋。

唔想變屠夫
有傳 08年尾， Jason以研究廚藝為由借故親近剛加入《港生活．港享受》做主持嘅陳豪
嫂（陳茵媺），但女方否認：「 Jason係好男仔，我哋合作得好開心，但冇拍過拖。」咁
有冇追求你先？

有報道指 08年 Jason主持 TVB娛樂新聞台認識宋熙年，為保事業，二人由 09年發展地下
情至今，但二人於活動中皆否認。

父母為中西醫嘅陳豪，又留學澳洲， 00年經珍組推薦入 TVB捧紅至今，出身有幾分相似
嘅 Jason有望步陳豪後塵被谷上一線，但大前提要戀情低調。《蘋果日報》圖片

要上一綫

據知， Jason不但獲高層樂易玲同金牌監製李添勝睇好，更獲珍姐曾勵珍「加持」有意將
佢栽培為陳豪接班人，點知早前有報道指 Jason專?女拍檔而辣?珍姐。

據知情人透露：「 Jason客串《法證先鋒Ⅱ》（ 08年），珍姐就覺得 Jason係可造之材
，家底又好、學歷又高，佢睇好 Jason可以坐正做一綫小生，你見珍姐今次搵徐遇安（《
誰》劇監製）嚟捧 Jason就知啦！不過，珍姐最憎 artist多緋聞，當年阿 Mo（陳豪）同
廖碧兒拍拖期間，廖碧兒走去溝個品牌高層，咁啱個高層係佢女朋友個男友，珍姐嬲到叫
陳豪飛咗佢！今次 Jason一樣聽晒珍姐話，專心拍劇先，見女就避開啲！」

排斥異性
Anjaylia在戲中與 Jason飾演一對，當日戲分講有咗 BB嘅 Anjaylia在街上與 Jason鬧交
，兩人同戲中男主角方力申搞三角關係。

眼利 Jason發現本刊記者後，與劇組人員在街邊休息時，亦與 Anjaylia保持距離，面左
左猶如貼錯門神。

埋位前，扮情侶嘅二人綵排拖手戲分，但各自擔天望地，連講句說話都慳番，年紀相差
 12年， Jason就算怕有代溝唔啱傾都唔使扮啞嘅。

當晚 Anjaylia同 Jason各坐一邊休息，女嘅專心玩 iPhone、男嘅就不斷搵工作人員吹水
，唔講以為大家唔認識。

同性相吸
同日夜晚，劇組移師何文田，住喺附近嘅成龍前經理人陳自強專程來探班， Jason好識做
陪前輩傾偈仲送埋行。

異性相拒

接了色戒令的 Jason近日由熱情有禮嘅 ABC變獨孤氏，尤其對女拍檔更避忌。上週四（
 12日） Jason為葉念琛新戲《人約離婚後》拍外景，與戲中對手、 20歲「邦民女」
 Anjaylia（陳嘉寶）全程零交流，在休息時更各據山頭休息，寧願與男幕後人員吹水解
悶。
本週一（ 16日） Jason透過電話解釋：「嗰日我同 Anjay第一次見，大家都未熟絡，加
上大家好專心讀稿等埋位，所以先冇傾偈啫！平常我同陌生人、普通人都有傾有講嘅。（
刻意避女？）唔會刻意囉，因為啲傳聞唔係真嘅，我唔會亂搞關係！」

分散投資

Jason?家專心拍緊《誰》劇之餘，亦要為《港生活．港享受》招募新主持活動做宣傳，但
佢話：「其實自己最想拍電影，進軍影圈，唱歌都有興趣，但我要再練好啲廣東話先！」

跑步代言
5呎 10吋高、有 74kg重嘅 Jason身形頗為健碩，連佢都話曾考慮過參選港男，最近佢就
為 Fitboxx.com代言電動跑步機添。

活動 MC
Jason身為《港生活．港享受》嘅骨幹主持，經常出入名流場所、訪問不少中外名人，練
就一副好口才，帶挈佢擔任唔少活動做 MC。