羅樂林死好運

2011/05/05 壹週刊1104期

因為 24小時之內 响唔同劇集入面死五次，突然蜚聲海外，成為「國際巨星」 嘅羅樂林
，星期日（五月一日）現身《洪武三十二》宣傳，受歡迎程度唔輸蝕俾男主角馬德鐘同謝
天華， 嚟睇熱鬧班街坊，個個都爭住同佢握手 say hi。

人紅自然時運高，當日大會安排演員蒙住雙眼，靠摸估纒對方係邊個，羅樂林果然得心應
手，係咁意摸纒隻手仔，就知邊個係陳嘉琪。

相反，謝天華唔知係時運低，抑或有心抽水，由頭頂摸到落膊頭，再掃埋手臂，都估唔到
邊個係馬賽，陳自瑤仲俾佢摸到「揦口揦面」冇得反抗。曾經因為拍《老公萬歲》，俾曹
敏莉投訴擅加嘴戲，錫面變錫嘴，短 kiss變長 kiss，謝天華 record花晒仲咁狼，真係
唔驚返屋企俾老婆扭耳仔。

人氣爆燈 嘅羅樂林，班視迷街坊一見到佢就不斷揮手，派禮物期間更引起輕微混亂，之
後由司儀吳家樂拖住打頭陣出場，果然係「國際巨星」。

謝天華蒙眼四圍摸，掃完陳自瑤手臂，又攬實陳美詩，嚇到兩個 O晒嘴。