青雲路 黎諾懿
2010-10-20 FACE週刊 178期 http://bbs.ent.163.com/bbs/tvb/189848516.html
繼翻 dup《神探伽俐略》後，無綫另一部照抄美劇《 Lie To Me》的鉅製《讀心神探》亦
於本月初隆重推出。
主線「姚 Sir」林保怡的破案模式、測謊技巧、連帶造型個性小動作都跟原裝 9成似，副
線黃宗澤滑頭愛耍小聰明、整天和小女友陳茵媺食飯睇戲打情罵俏，每套港劇都總有這麼
一對……千篇一律欠缺靈魂零創意，連當家小生的嘴臉都讓人看到生厭，配角們想靠它發
圍？開玩笑！
難怪，在《讀心》飾演重案組一員的黎諾懿說，這幾年收到劇本，常常發現又是個可有可
無的大配角時，會覺得灰心：「點算……呢個角色，又冇得搞喎……」
22歲加入藝訓班， 03年靠《當四頁草碰上劍尖時》叫做撈得起， 07、 08年亦先後執過
好籌主演《溏心風暴》和《家好月圓》，黎諾懿此外的 29部劇、 29個角色，都屬於「冇
得搞」那類，當年陽光美男、「奧運六星」的光采被磨合得愈來愈暗淡，今年 30歲了，
然後呢？
黎諾懿說，他的 role model是老友鄭伊健、黎耀祥，還有有過一面之緣的偶像劉青雲，
三個人都分別贈過他兩個字：「堅持」。
劉青雲的影帝寶座，等到入行 23年、第 80部電影、第 8次提名才到手，這條漫長的青雲
路，堅持？好漫長。
冇人願做 CID甲
個人意見，身高 6呎 1吋，外形公認像陳百強、鄭伊健和陳曉東，黎諾懿不但高大靚仔，
氣質也比吳卓羲、黃宗澤強得多。我問黎諾懿，曾經在 2004年與吳卓羲、黃宗澤、陳健
鋒、林峯和馬國明齊稱奧運六星被無綫力捧過，六年後郤被遠遠拋離，會難過嗎？
一開始，黎諾懿想也不想就一輪嘴答：「配角都好重要，好嘅演員點少得呢啲角色打樁…
…田蕊妮教我，配角唔係冇得搞，其實比主角更有得搞……每個機會都有好多嘢學……（
下刪四百字）」
自我激勵自我安慰一說十分鐘，我等黎諾懿熱身完畢，再問：「是真心話嗎？」他說：「
入呢行冇人唔想紅，冇人目標係做 CID甲……唔紅唔會有價值，有價值大把好角色等住你
，大把人爭住要度身訂做幫你突破自己……呢一刻，邊輪到我？拍完《家好月圓》我真係
開始懷疑自己，眨吓眼三年，眨吓眼又四年，咁點呢……冇 o架，做演員係得兩條路，堅
持、唔堅持，留低定走啫……最後我選擇留低。
去年的《美麗高解像》是唯一擔正劇集，劇情主線其實是徐子珊、陳敏之的女人戲。
新作《讀心神探》表面是第三男主角，卻往往是群戲才有份出鏡：「論青春偶像我過咗，
男人味又未夠，呢個階段係尷尬啲。」
被人捧紅、被緋聞煲紅，點會企得穩？有一日全世界想你收皮，一日就收你皮……
「尤其係呢行，總要識得安慰自己，不過問心嗰句，嗰啲唔係空話，被人捧紅、被緋聞煲
紅，點會企得穩？有一日全世界想你收皮，一日就收你皮……與其少年得志快上快落，
30歲已經冇法生存自動消失，我更 buy黎耀祥同劉青雲嗰一種， 30歲時慢慢累積慢慢浸
淫，腳踏實地爬上去，等全世界心服口服。
連執兩支好籌演出《溏心風暴》及《家好月圓》， 08年黎諾懿人氣稍有回升，可惜又無
以為繼。
學酒、品茶與垂釣
黎諾懿在屯門友愛邨長大，做貨 van司機的父親在他 12歲那年患癌去世，兄弟三人從此
要靠母親做清潔工獨自撫養。為求不加重母親負擔，黎諾懿預科畢業第一份工是銀行，貪
其鐵飯碗、福利高、買樓仲有低息優惠；入行以後把真名黎日昇改成黎諾懿，竟然也是為
相士說的，不會大紅大紫，勝在一生平穩。
「拍《隨時候命》與鄭伊健成為老友，是真的物以類聚。雖然做呢行，我哋都怕太積極太
進取，更加怕要放下生活。
釣魚，最好玩係夠靜，仲有，我同伊健都愛紅酒。
早排，我用三萬蚊讀咗三期紅酒課程，冇證書 o架，純粹係學識品酒。最近，開始跟兩個
師傅學品中國茶。可樂同威士忌擺 15年味道都唔會變，但係紅酒，年份、產地、溫度、
醒酒時間甚至杯嘅厚薄都會影響味道；中國茶，就係飲每一泡嘅層次……好似男人一樣，
要慢慢浸才會有味道。」
出道第二套劇被錢國偉睇中主演《當四葉草碰上劍尖時》，迅即與女主角 Race黃婉伶（
黃衫）彈起：「當時以為自己咁就紅咗，點知第二年被調去主持兒童節目。」
04年力捧的奧運六星，林峯一枝獨秀，黃宗澤、吳卓羲叮噹馬頭，馬國明、陳健鋒四平八
穩，相比之下，黎諾懿是有些遜色。
遊戲規則，我做奀茄
黎諾懿喜歡慢慢嗒，可惜會嗒黎諾懿的人並不多。入行 7年，除了兩年前分手的圈外女友
Pansy（前無綫經理人部門同事，現已離職），只剩與「好兄弟」楊怡的緋聞。年頭最刻
薄一次，是登上週刊封面，被指奀茄溝花旦。
「呢次我真係冇嬲，我太明個遊戲規則啦，幾可有報道會話兩個人一樣好門當戶對至得 o
架……今次，係遊戲規則要我做奀茄。如果係真，我至會嬲，始終大男人，女朋友紅過我
永遠多說話聽，所以我永遠唔會揀圈中人做女朋友。」
對上一個女友，相戀六年分手，原因又是 timing問題，女方覺得是時候談婚論嫁，男方
堅信還要搏殺還有位上：「分手搞到唔太開心，兩年再冇聯絡……」去年開始養貓養狗，
還斷言一定不會生兒育女：「真心嗰句，都係因為經濟壓力，邊個唔想畀老婆仔女最好嘅
嘢？邊個唔想多啲陪最愛嘅人？事業我鶽家都睇唔到曙光，每日為口奔馳，唔通生多一個
出嚟同我一齊捱咩……所以呢兩年我都冇諗過再開始，我畀到啲咩人呢……其他人真係唔
會明我哋為乜，可能錯過、放棄好多嘢，追求嘅，好可能係一個一世都無法達到嘅夢。」
好歹也是游走於一、二線中的小生，與當家花旦楊怡傳緋聞，竟然被雜誌形容為奀茄：「
緋聞總有一方係高攀人，呢個係遊戲規則。」
今次，係遊戲規則要我做奀茄。
男人不壞
前後兩次專訪，黎諾懿謙虛有禮有求必應談話誠懇以外，留給我最深印象的，是他換衣服
時露出的佐丹奴底褲邊，和不到 600c.c.幾年都沒換過的日本車，還有說起戀愛史，他引
以為榮的說，曾經苦幹一個月，親手為女友織了一件紅色披肩做聖誕禮物。
相比電視台裏的當紮小生，一身上下都是潮牌潮服、 Benz跑、 Audi換車換女一樣快，黎
諾懿簡直平實樸素、好得像是外星人。
是有些悶，是少了點浮誇的情趣，不過確實是個值得慢慢嗒的好男人。
細細粒的前女友分手前任職無綫經理人部門，拍拖 6年， 08年女方希望結婚，男方認為
事業要緊，分手收場。
6呎 1吋高的黎諾懿，座駕是 07年以 8萬買入、排氣量 600c.c.的車仔富士 R2，平實到
咁，電視台冇第二個。
撰文：朱小博
攝影：蔡榮章
化妝： Synnu Tam@Private I
髮型： Ben Lam@IL COLPO
形象： Bryan@ the Flaming
服裝： Harvey Nichols