黎諾懿拒執吳卓羲口水尾
2011/05/24 壹週刊1106期 http://bbs.ent.163.com/bbs/tvb/212635552.html
由湖南 衞視跟無綫合辦的收視節目《舞動奇跡》停辦兩年後，今年捲土重來搞第三輯，
大會本來安排了吳卓羲緋聞女友張馨予做黎諾懿舞伴，但他唔願執人口水尾，寧願揀知名
度低幾班、來自北京的女星金晨做拍檔。據了解，金晨是北京舞蹈學院校花，熱爆內地網
絡，與她跳舞跳到出火的黎諾懿，更經常借故在微博傳情。
個個吼住
《舞動奇跡》於○七年首度舉行後國掀起熱潮，繼○八年的《舞動奇跡 2》，相隔兩年再
搞第三輯，雖然有唔少無 綫藝人都想參加，結果只有黎諾懿和港男許家傑「中獎」。
「個節目好受歡迎，謝天華、胡定欣贏過比賽之後， 喺大陸多 咗好多人識，所以公司好
多人都想上去參賽呢個比賽。之前兩輯 TVB只係播自己人而狂 cut內地藝人嘅表演片段而
激嬲咗湖南 衞視，搞到人哋第三輯都唔同佢合作！加上 TVB嚟緊都會搞一個類似節目，
所以今次本來只係俾個港男上去，諗住留番啲彈藥俾自己個節目，不過湖南 衞視講明要
黎諾懿。」無綫工作人員透露。
諾懿與金晨因練舞而撻着，人前人後均表現得很親密。
諾懿與金晨這對「一諾千金」的組合很合拍，並得到很多觀眾的支持，是節目中的勝出大
熱人馬。
金晨是北京舞蹈學院的校花，她的素顏照及跳芭蕾舞的照片早前在網上流傳，熱爆網絡。
諾懿將他與金晨的頭貼頭照片上載微博，並祝金晨的媽媽母親節快樂，然後金晨又將此段
微博轉發。
奧運校花
大會原本安排好吳卓羲的緋聞女友張馨予，作為諾懿拍檔，對手樣靚身材好，明明係筍位
，不過，口味有別一般的黎諾懿，跟對方跳過一次之後，輪到自由揀拍檔時，卻沒有再揀
張馨予，對手變成新女金晨。
其實金晨來頭亦唔小，曾參與○八奧運開幕及閉幕禮表演。「唔好睇小得廿歲 嘅金晨，
佢係北京舞蹈學院校花，之前佢有批相俾人擺 咗上網，好多人鍾意。舊年俾人睇中入行
拍劇，見佢開始上位先搵佢參加《舞動奇跡 3》。」
張馨予人靚身材好，但諾懿卻看不上眼，捨棄揀她為跳舞拍檔。
在節目初期，大會安排了張馨予與諾懿合作，不過，最後諾懿卻選擇金晨為女伴，捨棄張
馨予。
《舞動奇跡》由第一輯播映後便深受觀眾歡迎，很多藝員也希望參加，第二輯有伍詠薇、
胡定欣、王君馨及胡杏兒。
張馨予因為與吳卓羲傳過緋聞，所以在港的知名度大增。
參賽志在贏冠軍，黎諾懿同金晨都不例外。二人日跳夜跳，練完又一齊去消夜，簡直形影
不離。「佢兩個練習時已經眉來眼去，就算成班人一齊，佢兩個都唔理其他人，細聲講大
聲笑，不知幾 sweet。」大會將黎諾懿與金晨這對組合命名為「一諾千金」，最近在節目
中以《地鐵狂想曲》合跳，評委得分為九分，是全場第二名，現場觀眾更起哄叫二人結婚
。
「除咗電視台班人，觀眾都起哄嗌佢哋結婚，金晨仲幫膚色較深嘅諾懿改 咗個名叫小黑
，兩個成日玩自拍，經常見面仲唔夠，連微博都唔放過，日傾夜傾，之前母親節，佢 哋
仲一齊放咗張合照上微博，互相同對方 嘅媽咪講母親節快樂，關係非比尋常。」一名工
作人員說。
搶住跳
無綫近年跟湖南 衞視孖住製作的《舞動奇跡》，參與比賽的藝人因為要在內地接受訓練
幾個月，最初被無綫友視為「豬頭骨」，不過自從謝天華攞到冠軍開始人氣急升，在內地
廣為人識接騷接唔停後，○八年第二輯開始招募藝人比賽時，已有不少人自薦搶住跳。
陳敏之
一直穩守二線頭的陳敏之，自從○七年在《舞動奇跡》表演過，本來在內地零知名度的她
，即時吸納一班忠實粉絲，在內地頻頻接騷。
謝天華
在比賽贏得冠軍，不單人氣急升，更因而獲無綫重用，首度成為電視劇男主角，在台慶劇
《鐵齒銅牙》擔正，跳出個未來。
胡定欣
雖然在比賽中輸給王君馨，不過胡定欣的出色表現，仍被人視為新一代舞后，因而有機會
接商場騷表演跳舞，更跟有份演出的前度馬國明撻着，齊齊孖住搵真銀。