陳自瑤剖腹誕女 王浩信眼濕濕       2012/04/28

http://www.ihktv.com/yoyo-gave-birth-daughter.html

繼陳慧琳的「小龍包」出爐後，娛樂圈再添龍BB！去年與王浩信拉埋天窗的藝員陳自瑤，
昨晨秘密誕下6磅2安士「龍女」，據知因BB出現臍帶纏頸，急急剖腹分娩。

無綫藝人陳自瑤（YoYo）與王浩信（Vincent）去年11月拉埋天窗，YoYo其後宣布有喜，
當時曾表示希望自然分娩，早前亦被拍得在公園舒展筋骨練氣。不過，她日前產檢時發現
臍帶輕微纏着BB，令兩人大為擔心，最後聽從醫生建議改為剖腹分娩！

陪產眼濕濕

經玄學家李丞責擇日後，YoYo昨晨由老公陪同入產房，Vincent更親手為女兒剪臍帶，雖
然他高大威猛，但剪臍帶一刻也緊張得手震震。BB女九時許呱呱落地，比預產期早了大半
個月，幸好手術順利，母女平安，預計休息數日便可出院。

緊張失眠到天光的Vincent受訪時直言，初為人父非常感動：「喺產房一路影住個過程，
唔知點解眼濕濕，睇住個女出世，啲父愛即刻出晒嚟！老婆平時打針都驚，佢揸住我隻手
全程都震緊，我就不斷鼓勵佢。」問到BB女似他還是YoYo？他說：「兩個都似！眼大大似
媽咪，四肢手長腳長似我，耳仔、頭髮多多又似媽咪。（會改咩名？）交畀李丞責師傅負
責。」

送車獎老婆

近期趕拍新劇的Vincent自言做好湊女準備，餵奶與換片等基本功難不倒他，但「高級組
技巧」就要靠老婆：「呢排都要開工，五月又開劇，都同監製講咗盡量畀時間我陪老婆同
個女，希望多啲時間一齊。」見證老婆如此辛苦，Vincent計劃送車獎勵，同時也方便他
日送女兒返學，問到有否打算再生BB？他說：「隨緣啦！見老婆好辛苦，自己都唔捨得，
但如果負擔到，我哋意願都想要多個小朋友！」圈中好友無不為他倆感高興，葉翠翠及陳
敏之笑言一定會買禮物送給BB。

王浩信親手為B女剪臍帶，他自爆驚到手震震。