得個做字段藐爆馬明多戲 吳卓羲hea拍抗議
FACE周刊 第253期
《名媛望族》 40集長劇，由上年 12月拍到嵋家， 4月仲要去上海取景。拍足 5個月，吳
卓羲都係做第三男主角，但聽聞尾段吳卓羲戲分多番。早前喺中環取景拍打交戲，羲哥心
情似乎都係麻麻喎
要喺電視台跑出難過跑頭馬，唔只花旦爭崩頭，連小生位亦競爭激烈。
好似吳卓羲喺無綫撈足 14年，最近忙拍新劇《名媛望族》，諗住重頭劇兼有男主角做，
點知埋位開工，卻發現戲分仲少過近期成為新晉師奶殺手的馬國明。
據知吳卓羲為拍《名媛》而推了三部大陸劇，如今冇錢又冇面，一肚氣索性 hea拍，但求
交完功課就算。
吳卓羲98年入無綫，同期出道嘅林峯和黃宗澤都撈得有聲有色，連最遲起步嘅馬國明，最
近喺《 On Call 36小時》都彈起；反而32歲吳卓羲卻走勢平平，始終未能擔正做男一。
焗做阿三
《名》劇孭重飛嘅劉松仁和陳玉蓮，已經佔咗大半戲分，仲有楊怡、馬明和朱晨麗，吳卓
羲就算大奸角都好難搶到鏡啦！
馬明今年愈做愈旺，《 On》劇收視高，今年尾將開拍續集，暫定原班人馬，未有新人加
入。
惹導演不滿
吳卓羲女友張馨予一向鍾意 mark實男友，今次男友 4月返上海拍《名》劇，張馨予實搵
位黐仔。
最近吳卓羲接拍下半年的重頭劇《名媛望族》，劇中有劉松仁同馬國明。據知羲哥戲分原
本同馬國明平分春色，但後期馬明戲分卻愈加愈重，吳卓羲甚至淪為大配角；加上吳卓羲
無得上大陸拍劇搵少好多，搞到佢拍《名》劇時更冇心機。據劇組人員透露：「佢（吳）
無遲到扭計嘅，不過 啲導演覺得佢拍得好 hea， 啲反應同對白做完就算，好似唔想做咁
款。」
「我點會 hea呀？」
其實吳卓羲 喺大陸算有價有市， 07年已開始 喺大陸拍劇，家陣身價都有 15萬一集。?
家拍《名》劇錢搵少 咗，戲又唔多，分分鐘出盡力演都係捧紅對手，而自己得個桔，
hea拍動機好明顯。
早前吳卓羲到堔圳出席活動，問佢有冇 hea拍，他好大反應：「你聽邊個講?？冇 啲咁
嘅事！我呢套做奸嘅，尾段好有發揮。（係咪眼紅馬明戲分多過你！）絕對冇！其實我
為 咗呢套劇，推咗幾套大陸劇同電影喇，所以我點會hea？（搵少咗錢又要做阿二，會
唔會唔開心呀？）無唔開心，公司安排就做！」被指搶戲嘅馬明就話：「唔覺佢 hea喎
，其實佢戲分都好多?，臨尾講佢復仇，全部由佢帶起?！」
超級綠葉
親生仔吳卓羲劇接劇，不過始終未有代表作，次次都係紅咗隔籬 嗰個。由《學警雄心》
紅 咗陳鍵鋒和謝天華，到最近又要淪為陳展鵬陪襯嘅《叛逃》（前名：《 ATF反恐》）
，角色愈做愈奀。 嚟緊 5月拍 嘅《衝上雲霄 2》吳卓羲都有份，不過 孭重飛係吳鎮宇
和張智霖，加上在《衝 2》又遇上馬明，更難突圍喎！
宣傳缺席
上週一（ 19日）馬明、楊怡和松哥一齊到影視展宣傳《名媛望族》，反而男主角之一嘅
吳卓羲冇影。
今年最令人期待嘅劇集《衝上雲霄 2》將於 5月開拍，早前節目巡禮吳卓羲有份拍，不過
得幾秒 shot，反而當日冇份拍嘅馬明，卻同本刊親口證實有份拍，《 On Call》效應真
係強。
《衝上雲霄》'03上位
03年，馬明和吳卓羲都有份拍《衝上雲霄》，當年吳憑 Issac一角彈起，之後更出碟做埋
歌星，但 9年過後，今日到馬明彈起，羲哥加油喇！
《學警雄心》'05接力
吳卓羲同陳鍵鋒一齊做主角，但論搶鏡度，始終唔及陳鍵鋒。
《叛逃》'11綠葉
上年同珍姐新寵陳展鵬拍《叛逃》，有指戲分唔及陳展鵬，不過吳卓羲就話：「呢啲你講
啫！」
《學警狙擊》'09陪襯
學警系列第三集，吳卓羲名義上擔正，點知套戲紅咗配角 Laughing哥謝天華。
大陸有市
吳卓羲 07年開始喺大陸拍戲，至今拍咗 4套，其中以 09年拍嘅《大丫鬟》最受歡迎，令
他打開大陸市場。據知吳卓羲拍一集大陸劇身價 15萬，樓盤剪綵騷 20萬一個，喺大陸搵
咁多，好過喺香港拍劇做陪襯啦！
騷價 20萬
唔少大陸樓盤都鍾意搵吳卓羲做剪綵嘉賓，影張相、唱兩首歌就袋 20萬，好過拍劇。
劇價 15萬
《大丫鬟》令吳卓羲在大陸彈起，但今年要拍《名媛望族》，之後再拍《衝上雲霄 2》，
拍大陸劇下年先有期。