拒穿TVB服裝間臭衫 謝安琪貼錢拍《殭》
http://www.ihktv.com/face-402-kay.html
幫無綫拍劇有咩好？入到屋增加內地知名度囉，唔通為錢咩？宅男女神排名
第一位嘅謝安琪最近亦為更加「入屋」，所以拍TVB劇《殭》，劇中拍視帝鄭
嘉穎， 4月外景仲會到荷蘭取景。
難得大台出手闊綽，謝安琪亦不惜工本，除咗接受唔到大台服裝間啲萬年二
手臭衫外，盡出私伙衫。上週五（ 30日）到西環拍外景，更帶同私人助手、
化妝、髮型三人兵團跟足全場，每日貼錢開工，好在白殭屍造型咁靚先抵番
囉！
37歲謝安琪雖然已係人妻，但網上人氣一直高企，多年來都係宅男女神冠軍
，最近為咗更加入屋，終於同老公張繼聰一樣去大台拍劇，孭頭炮新劇《殭
》有謝安琪拍視帝鄭嘉穎，由《衝上雲霄II》陳維冠監製，更會去荷蘭取景。
開工一拖三
大台咁揼本，謝安琪亦好識做，雖然天后級拍劇，但據知酬勞只是「膊頭價
」，難得謝安琪冇將價就貨，為呢劇做咗準備，上週五（ 30日）到西環殮房
取景，堂堂天后當然唔會着啲大台萬年戲服，而且每次開工謝安琪都自備私
人助手、化妝、髮型跟場。
現場所見導演一停機，三人即品字型圍住謝安琪，同場視帝鄭嘉穎反而冇人
理。由於首度拍劇謝安琪亦有幾次 NG，不過為惡補演技，除咗老公張繼聰探
班，連張繼聰演藝同學朱凌凌獨立樂隊成員白只，雖全無拍劇經驗只做過舞
台劇，亦經常跟住謝安琪，幫佢背對白同教做戲。做咗天后都咁好學，謝安
琪呢啲員工真係超抵用！
劇中謝安琪飾演殭屍，亦有不少動作戲，開工前兩個月特別跟一眾武指練功
夫。為咗拍好呢套劇，謝安琪仲揾咗白只幫手，幾乎每日教佢做戲及背對白
，連外景都跟埋場。白只同張繼聰為演藝學院同學仔，也有豐富舞台劇經驗
，絕對幫到拍劇新丁謝安琪啦。
謝安琪大戰陳山聰
謝安琪、鄭嘉穎嘅新劇《殭》，謝安琪除咗係殭屍亦係法醫，而鄭嘉穎為不
死人兼專捉殭屍，當然會發生感情，然後合力打 Final Boss陳山聰。兩位主
角角色設定極似當年亞視作品《我和殭屍有個約會》尹天照、萬綺雯一個殭
屍，一個捉妖。
大奸角 陳山聰
劇中飾演殭屍追殺謝安琪、鄭嘉穎。
女二 陳凱琳
謝安琪妹妹，會同謝安琪爭鄭嘉穎。
男二 陸永
劇中飾演謝安琪學生，同陳嘉寶有感情線。
女三 陳嘉寶
黃又南妹妹，同陸永談情。
外援 黃又南
劇中為陳嘉寶阿哥，暗戀陳凱琳。