驚爆「師生戀」 沈震軒孖新女甜食雪糕
http://bit.ly/1E57JCQ

    去年憑《使徒行者》底探員Kobe一角彈起的靚仔小生沈震軒(Sammy)，與長腿
    天后陳敏之情侶檔掘金又在海外擸獎，邁向「男一」寶座。早前，Sammy又喜
    逢與敏之再合拍新劇《性在有情》，不過呢次扮演冬菇頭處男教師的Sammy，
    唔係同敏之一對，反而同學生妹(Gloria陳華鑫飾)有感情線，Sammy和Gloria
    朝夕相對，加埋嘴戲話咁易擦出愛火。日前，呢對「師生戀」去尖沙咀約會，
    食飯行街仲甜食雪糕，的骰新女不時姣笑，  到出晒面！
    採訪 :李權威

    31歲的型男沈震軒，歌影視三棲發展不俗，仲識彈鋼琴、跳舞和下廚，筍盤
    梗多女吼啦！早前就傳出他拍新劇《衝線》時與新發電王蔡思貝暗撻，不過
    女方有殺錯無放過，連?Sammy、鄭俊弘等，連名草有主的羅仲謙都敢姣媾，
    好男人避之則吉。

    之後又傳出Sammy與龔嘉欣同居蜜運，二人先後否認。日前，Sammy發表恨愛
    宣言：「Dry  4、5年，好想拍拖，依家有心儀對象，會約對方食飯追求，
    但成事先話唔會刻意公開戀情。」原來Sammy口中的約會對象，正是同佢拍劇
    撻著的新女、12年落選港姐陳華鑫。

    懵做「小三」

    日前晚上8時許，Sammy約25歲新女Gloria去尖咀食飯，二人戴上cap帽仲刻意
    將帽壓得好低遮樣。5呎3吋高的Gloria賣點皮膚白滑、笑容好charm。兩人並
    肩去棉登徑一間意大利餐廳撐抬腳，燭光晚餐個半鐘後就行去附近店舖排隊
    買牛乳雪糕。

    排隊時，女方轉身同Sammy傾偈，仲肉緊到手口並用，不時姣笑。之後兩人
    食住同一款雪糕 ，最後由Sammy做柴可夫司機送女神返閨。

    不過翻查Gloria記錄，女方入行兩年不時大晒有男友，去年尾，飾演學生妹
    的Gloria拍新劇《性在有情》時，其中一場穿比堅尼幫老師Sammy做人工呼吸
    戲，Gloria仲話已向男友備案。Sammy呢次浪漫邂逅，似乎懵做「小三」，唔
    覺意撬緊人牆腳喎！