想床戰李佳芯？洪永城唔怕唐詩詠嬲

http://bit.ly/1IDvILK

緋聞男女李佳芯（Ali）和洪永城（Tony）為無綫新劇《波士早晨》到西貢取景，劇中飾
演秘書的Ali經常遭扮演老闆的Tony折磨。不過，Tony卻大呻戲外卻被伊人恰，Ali即大爆
對方自戀：「我最多話佢成日跟住鏡頭走，無論鏡頭喺邊，佢都要Chok樣！」

她又笑言拍親熱戲時Tony特別多主意，笑指對方的花巧招數不踏實：「有場劇情主要交代
完事後對話，有時啲嘢可以省略，但佢好鬼多主意，激死我！阿Ben（黃智賢）都多主意
，但佢比較踏實，Tony就好虛無飄渺。」Tony則笑謂：「臨拍前我諗好多拍攝方法，例如
坐枱、喺床上輾轉反側，但導演全部唔Buy。」他又補充Ali為人既沈默又乖，坦言不時攞
對方來開玩笑。

問兩人「大耍花槍」，會否怕緋聞女友唐詩詠呷醋？Tony即大派定心丸直言不會，Ali也
力撐：「我諗佢同人溝通方式係咁，佢個人好friendly。（傳緋聞？）基本上佢拍邊個都
傳緋聞，佢太惹火、太有女人緣喇。」