奀星橫店夾陳茵媺           (壹週刊1151期)

26/3狂自拍
徐榮（左）攞住陳茵媺的手機，再跟李中希（右）影合照，陳茵媺睇相時表情好回味。
無綫重頭劇《大太監》，上週一（三月十九日）移師到橫店影城拍外景。出發前，陳茵媺
借記者把口向陳豪大派定心丸，會全程跟實黎耀祥同祥嫂，收工唔出街，杜絕其他異性埋
身。
不過陳茵媺得個講字，見難得有假期，黐實奀星徐榮及李中希，三人行包車四圍去。兩男
開車門陪 shopping陪玩，樂做觀音兵。陳豪係時候出發去探班。

甩繩馬騮

無綫劇集《大太監》大軍上星期出發上橫店，陳茵媺在機場接受訪問時，明示想男友陳豪
前來探班，並會跟實黎耀祥夫婦，嚴防色狼埋身；祥仔更笑說此行責任重大，要兼任保安
員，睇實其他男藝人一舉一動。

祥仔拍心口護花，但首次出埠拍劇的陳茵媺，到了橫店竟變成甩繩馬騮。本週一（廿六日
）見無通告，即相約同劇奀星徐榮及李中希出外吃喝玩樂。

徐榮同陳茵媺齊齊行上車，男方甚有風度，幫她開關車門，服侍周到。

雖然陳豪已公布天下，獨食女友陳茵媺，但仍阻不了女友的狂蜂浪蝶。


黐頭芒自拍

當日三人自費租車出外遊玩，由於天氣回暖，陳茵媺在等車期間已熱到要除外套。一行人
先到港星最愛的「大城小廚」午膳，飯後到當地最熱鬧的萬盛南街 shopping，街頭兩旁
有賣羽絨、飾物及服裝，價錢平質素亦好一般，但陳茵媺一於少理，平價太陽眼鏡、飾物
、帽通殺，買唔停手。

未去過橫店，陳茵媺有如大鄉里出城，心口一直掛着 Olympus E-PL1相機，方便行到邊影
到邊，又與兩男「黐頭芒」玩自拍。

陳茵媺名花有主，但徐榮、李中希亦無放軟手腳，全程貼身護花，提供購物意見，務求令
陳茵媺買得心花怒放，大包小包戰利品，最後由兩男化身咕喱幫手拎。打孖觀音兵自動獻
殷勤，陳茵媺快樂遊橫店。

兩男夾陳茵媺到超市掃貨，再幫手攞上車，陳茵媺兩手 fing fing，飲嘢慢慢歎。

陳茵媺的 Olympus E-PL1相機已是兩年前款式，但現在售價仍要五千多，屬高檔傻瓜機。

陳茵媺要在店鋪試飾物，兩男在店外細心等候，毫無怨言。

李中希在服裝店揀衫，陳茵媺影相 mood到，對着他狂影。


祥嫂人盯人

陳茵媺無王管，同劇男主角黎耀祥有老婆做跟得夫人。男星北上拍劇順便「搵食」是指定
動作，兼任祥仔經理人的祥嫂，寧願獨留兒子在港，親自陪老公上橫店拍劇三星期，方便
睇實。

太座監場，祥仔更加自律，在現場只跟飾演太監的黃浩然及曹永廉等男演員傾偈，絕少與
女演員交流，收工之後更從不出外食飯夜蒲。

黎耀祥做好老公陪老婆，《大》劇其他演員，收工後必有集體活動。到埗第二日，胡定欣
、米雪、曹永廉、黃浩然及岑寶兒等，便相約到下榻飯店附近的食肆打邊爐，席上大家有
飲啤酒，表現自律，全部適可而止，事關第二日早班通告。

醒目胡定欣沒有跟黎耀祥傾談，反而同祥嫂講到唔停得口。

25/3獨家村
邵美琪下午才有通告，於是一個落街搵食，點知行了幾個街口都唔啱胃口，最後孤伶伶返
回飯店。

到埗第二晚，張國強與曹永廉等跟米雪出外打邊爐，米雪撞到舊朋友，跟他在店鋪門外擁
抱問候。

迷死仔
陳茵媺於 06年參選港姐，憑「巨咪」成功搶鏡並勇奪冠軍，鬼妹仔性格的她，異性緣相
當旺，經常有奀星埋身，排隊做觀音兵。

陳紀匡
初出道，陳茵媺被拍得與陳紀匡在中環拍拖 shopping兼撐枱腳，陳紀匡更不時輕扶女方
手臂。

沈震軒
同欣宜傳緋聞的奀星沈震軒被指於 2010年曾力追 Aimee，二人在中環行街撞見記者影相
即彈開，更急 call同事到場作掩護。

蕭正楠
去年拍攝《法證先鋒 III》期間，蕭正楠向女方大獻殷勤噓寒問暖，雖然當時陳茵媺已情
歸陳豪，但蕭正楠揚言：「我一定會照追！」

吸煙男

劇集《大太監》中有唔少係煙民一族，好似黃浩然就爭分奪秒，無論拍劇休息時間，抑或
飯前飯後也煙不離手；至於平日形象正氣的黎耀祥，亦會趁休息時間扯番幾啖提提神。

曹永廉 黃浩然 黎耀祥