陳凱琳笨豬撲水冇打底
    http://orientaldaily.on.cc/cnt/entertainment/20140925/00282_014.html

    剛卸任港姐的陳凱琳和洪永城首次擔正合拍無綫劇《張保仔》，前日兩人在
    西貢親身拍跳海「濕身戲」，大膽的陳凱琳雖然冇泳衣打底，但仍自告奮勇
    親身上陣。拍畢後二人更間接「咀嘴」，一支水兩份飲，但洪永城卻無懼傳
    緋聞。

    前港姐陳凱琳前日偕洪永城、李天翔現身西貢早禾坑，為無綫穿越時空劇《
    張保仔》拍「濕身戲」，劇情講述來自現代的陳凱琳，跳船尋覓誤墮海中的
    手機，飾演海盜的洪永城即跳落水救對方。本來劇組為陳凱琳準備了替身，
    豈料陳凱琳卻大膽自告奮勇，在碼頭親身拍攝跳海戲，幸各人均兩take完成
    。拍畢包上毛巾的陳凱琳和洪永城，又立刻上水睇playback，可見首次擔大
    旗的他們也很着緊自己的表現。

    唔怕傳緋聞
    期間，兩人又毫不避忌地開心share一支水，等同間接「咀嘴」行為親暱，洪
    永城在水中等roll機時更緊抱女方，對陳凱琳照顧有加。問到怕否傳緋聞？

    洪永城說：「唔驚，都係做嘢啫。（覺得陳凱琳點？）好Sharp，雖然半年拍
    咗幾套，但佢好有衝勁、好醒目。」他又笑言陳凱琳覺得跳水戲好得意，陳
    凱琳也直言好好玩：「之前都想去澳門玩笨豬跳，但媽咪驚我出事唔畀玩，
    反正自己未試過，就當今次玩吓囉。（有着泳衣打底？）冇，淨係着咗背心
    。」洪永城則透露在無錫、橫店有更多落水戲：「我哋會準備定潛水衣，因
    為嗰度好凍，聽啲前輩話唔着會僵硬晒、做唔到戲。」

    獲前輩提點
    對於首次擔正做主角，陳凱琳坦言緊張，更主動跟監製討論角色，並謂與一
    班「海盜」對戲很好笑，又不時獲金剛及邵美琪提點。臨急上陣的洪永城直
    言緊張角色：「每日返屋企、放假就諗點做個角色，上網睇內地劇學講嘢，
    根本冇時間擔憂外界畀嘅壓力。」