何守信平淡爆出忘年戀

2010-10-22 太陽報

何守信（何B）於上周六（16日）度過60歲生日，正為亞視處境劇《香港GoGoGo》開工的
他，有兩位同劇小花演員盧頌之（DaDa）和梁慧恩（Viann）獻吻賀壽，認真艷福不淺。

小花Viann（右）及DaDa爭相向壽星公何守信獻吻。

之前因拍無綫特輯《活著》而傷腳的何B，傷勢早已痊愈，不過，60歲的何B永不言休，除
寄情電台工作，更應好友監製龍紹基之邀，接演亞視《香》劇，一過戲癮。

撐枱腳慶祝

日前，何B在錄影廠中度生日，休息時段，監製更送上蛋糕祝賀，而工作人員和同劇演員
DaDa和Viann爭相跟壽星公拍照留念，兩女更即場獻吻。問到生日願望？何B說：「當然要
人生開開心心，身體健康。（太太陳麗斯點同你慶祝？）我都唔醒起自己生日，係太太提
我，我生日都開工，不過只係半日，夜晚咪同太太出去食餐飯囉，平平淡淡度過，我覺得
仲舒服。」

何B60歲生日，劇組為他慶祝，令他有意外驚喜。

何Ｂ開工半日，晚上會與太太一起撐枱腳。

竟面泛紅霞

在劇中與何B有不少對手戲的Viann，對前輩又敬又畏，據知二人在劇中將發展一段忘年的
愛情錯摸關係；雖然二人年紀差距甚大，但Viann在劇中狂冧何B演來自然，甚至面泛紅霞
，演來認真搞笑！另有關之前因病缺工的DaDa，監製一直有留意其紀律問題：「佢OK，坦
白講，我有同佢經理人傾過，不過，我自開工至今，都冇發現DaDa有遲到問題，A. Lin都
冇，佢兩個幾乖，我覺得應該畀機會嘅。」