李詩韻熱戀期唔急嫁
    http://orientaldaily.on.cc/cnt/entertainment/20140924/00282_060.html

    李詩韻、岑麗香、王浩信等昨日出席劇集《樓奴》開鏡拜神，與男友拍拖半
    年的詩韻，透露對好友陳茵媺（Aimee）宣布懷第二胎感高興，惟事業為重的
    她，暫未計劃結婚及生仔，不過她私下不時與Aimee聯絡，雖然外間認為
    Aimee現時感幸福及開心，但熱愛演戲的她卻因懷孕而暫停事業，故也犧牲不
    少。

    自言尚未到組織家庭階段的詩韻，笑指現時非常享受熱戀期，問到若然懷孕
    會否減產？她謂：「如果發生咗就順其自然，但希望結婚後先有小朋友，唔
    希望畀大家有壓力，1月又要去新加坡拍劇，所以做晒工作先諗，依家玩住姊
    妹啲BB先，等佢哋啲小朋友大啲做我嘅花仔花女。」

    香香冇蝕底
    而戲中有感情線的香香，對於有指日前拍攝一場落水戲時，被浩信觸摸到胸
    部，她連聲否認，表示大家一心只想拍好場戲，雖然她略懂游泳，但由於水
    底仍有暗浪，所以拍攝前已在身上藏了多塊浮板，更謂：「我擔心水流多啲
    ，有咩冬瓜豆腐點算？」浩信亦坦言當時集中精神，未有多想其他事情。

    問到稍後可有更激場面？浩信笑謂：「係呢場戲，我要救佢上嚟人工呼吸，
    最後冇咀仲畀香香噴我塊面（冇得咀失望？）完全冇，太太都冇因為件事問
    我，最搞笑係上年我哋齊齊攞飛躍，依家就齊齊飛落海。」