推 allizon: 葉榮添背書輔選,馬志強勝卷再握 12/14 18:24
→ wasabi1: 報告：今年中國最受歡迎男女是波士高與阿佘~ 12/15 19:12
三屆視帝羅嘉良揀心水 郭晉安穩贏
12月14日(日) 05:46
三屆視帝羅嘉良揀郭晉安做心水視帝，笑言除了「友情分」之外，亦大讚安仔忠變奸有很
大發揮。
1/7
【on.cc東網專訊】 無綫首位三屆視帝羅嘉良今年未有親歷視帝戰，但仍感受到今屆爭持
激烈。他坦言有捧娘家劇集場「做功課」，對於好友郭晉安的表現大為肯定，認為演反派
的他極有機會問鼎視帝，追平他創下的紀錄，但亦讚馬德鐘進步，隨時做「程咬金」！
無綫台慶頒獎禮如箭在弦，各大獎項熱門人選努力拉票，其中郭晉安曾以《戇夫成龍》及
《阿旺新傳》的「阿旺」角色兩度稱帝，月前於馬來西亞憑《忠奸人》先下一城贏得視帝
，外界普遍認為他勝算較高。至於演技同樣備受肯定的《名門暗戰》黎耀祥，挾三屆視帝
之名挑戰第四度稱霸創歷史，實力不容忽視，而具一定實力的《飛虎II》馬德鐘及《再戰
明天》吳啟華亦希望一搔視帝之癢，故爭持激烈。
乖仔改做反派發揮出色
無綫首位三屆視帝羅嘉良目前身在內地，他坦言有捧娘家劇集場，提到台慶頒獎禮下周一
舉行，他亦加入投選視帝行列，力撐同期出道的安仔！嘉良希望好友追平他的三屆視帝紀
錄，笑言要加「人情分」撐老友：「自己拎過三屆視帝，覺得真係唔容易，因為要有好角
色，自己又要拿捏到，同時仲要令觀眾受落，可以話係天時地利人和，所以要拎到獎係好
難得嘅事。（安仔係咪你心水視帝？）安仔係同我一齊出道嘅老友，如果佢拎到無綫三屆
視帝，成件事就完美，亦都會令電視圈熱鬧同開心。」
嘉良對安仔奪獎睇高一線，但絕非一面倒只靠「人情分」，早年曾在《天地男兒》及《射
鵰英雄傳》等劇集轉型演反派而爆紅的嘉良，激讚安仔在《忠奸人》中挑戰奸角，表現得
到肯定：「最近返嚟香港幾次都有留意安仔嘅演出，覺得佢呢個角色發揮得好好，特別係
今次佢演反派，同以前比較好唔同！安仔演開啲斯文乖仔，今次演反派都可以演得咁投入
，證明到佢今次奸到出汁嘅表現完全係出於演技。」
讚祥仔演技好有力突破
不過，安仔爭奪三屆視帝並非易事，嘉良認為他面對的勁敵甚多，獲提名的都是實力派演
員，對於同是三屆視帝的祥仔，嘉良直言與他亦屬好友，感嘆錯過了對方在《名門暗戰》
的演出：「佢演技好就不在話下，可惜佢嘅劇集我冇睇到，畀唔到意見。」而看過的劇集
，嘉良好評《飛虎II》，問到男主角馬德鐘表現如何？他說：「套劇一星期播一次，可能
影響到觀眾嘅熱情同支持，但留意到馬德鐘嘅演技有好大進步，都睇好佢有機會。」
安仔：令我有好大信心
正為視帝戰積極準備的安仔，對於好友羅嘉良大力支持，他意外地說：「首先好多謝佢！
大家近年少見，同佢合作都已經係十四年前嘅《創世紀》！難得佢咁少時間喺香港都留意
我，令我有好大信心！（想同佢再合作？）佢喺演戲同人生上都啟發我唔少，俗語話『十
年人事幾番新』，依家仲要十四年冇同嘉良合作，真係好希望再有機會！」提到嘉良預祝
他「完美」三封視帝，安仔笑說：「咁希望承佢貴言，如果有機會追平佢嘅紀錄，我都覺
得好完美。」
想贏？問過我哋未！
雖然安仔於「預賽」勝出而被睇高一線，但入圍名單實力強勁，位位都有機會跑出！早於
月前憑《叛逃》在新加坡稱帝的陳展鵬，與安仔同樣一獎在手，有力推翻一切；早已儲下
不少劇迷粉絲的黃宗澤，今次於《點金勝手》中飾演機心奸雄，與徐子珊及胡定欣大鬥演
技，表現獲不少同袍讚賞；從演多年的馬國明近年參演不少劇集均反應不俗，今次在《寒
山潛龍》中擔正，大熱大勇有力開齋。正所謂「各有捧場客」，今年視帝戰陷入膠着狀態
，未到最後難知結果！
爭視后挑兩大花旦機 王菀之拉票雙倍奉還
講視帝戰又點可以唔講視后戰，今年依然相當熱鬧，除了熱爆的《使徒行者》佘詩曼、次
熱的《再戰明天》徐子珊及網民熱捧的《大藥坊》鍾嘉欣外，首度躋身爭獎的《老表，你
好hea！》王菀之（Ivana） 大有清泉之感，隨時殺出血路！身為歌手的Ivana近年參演劇
集大獲好評，在台慶劇《老表》中飾演歌手「林雪」一角而人氣急升，獲提名角逐視后與
「最受歡迎電視女角色」！Ivana直言非常喜歡這個角色，但謙稱沒有信心得獎：「作為
歌手，有機會候選視后已經覺得係一件不可思議嘅事，我想同好多好多好多人講多謝。如
果有人投票畀我，我仲會送上雙倍嘅多謝。」相反她睇好同劇的郭晉安贏視帝：「安仔係
好專業嘅演員，我哋合作過兩套劇，佢喺《忠奸人》演奸角令人眼前一亮！」
至於次熱的子珊則力撐師姐阿佘贏視后：「阿佘回歸氣勢咁勁，爭唔到啦！」雖然不能力
敵，但作為後輩的子珊當然不放過偷師機會：「阿佘喺《使徒》中角色性格好立體，我有
留意鮁，特別佢嘅喊戲好有爆炸力，我都要學習學習。」
男女配大混戰 江美儀冧莊即換車
主角雖好都要配角扶持，甚至新人上位亦是朝配角之路進發。今年最佳男、女配角獎，不
少實力派演員爭崩頭，包括《使徒行者》許紹雄與《忠奸人》張繼聰、《使徒》江美儀與
《食為奴》胡定欣等。其中不諱言恨獎的江美儀希望今年冧莊再贏女配：「我覺得自己今
年唔差鮁 （贏面方面）！舊年我憑《衝上雲霄2》贏女配角，今年再有機會上台，我就唔
會畀自己喊得咁肉酸，仲要多謝番之前忘記多謝嘅人！（點獎勵自己？）唔換樓都換車啦
！我已經睇中咗！」
Source:
http://ppt.cc/A4fZ
--
※ 發信站: 批踢踢實業坊(ptt.cc), 來自: 219.79.43.27
※ 文章網址: http://www.ptt.cc/bbs/HK-drama/M.1418530653.A.CA5.html