郭晉安硬撬峯迷
郭晉安與佘詩曼於電視圈打滾多年，獎項對他們來說，不是最重要，但對演員卻是一個很
大的肯定，日前，二人分別再奪「視帝」及「視后」獎項，但仍有野心繼續搏殺。有美滿
家庭的安仔專心事業，更笑言要走回偶像派，趁林峯不在，擸埋他的粉絲，再奪第四個台
慶視帝獎。而仍是單身的佘詩曼則指現時是事業高峰期，要搵完美另一半不容易，坦言向
錢看一早嫁了，笑言搵錢易過搵愛呢！
今年無綫再度誕生另一位「三屆視帝」郭晉安（安仔），不少人留意到他得獎當晚狀態大
勇，連外貌亦變得「後生」。問他是否被寶貝仔女「淨化」而「回春」？年屆五十的安仔
打趣表示要重返偶像派陣營，又笑言要搶走林峯的粉絲：「有仔女令我更有童真，依家有
咗（攞獎）實力，就走返偶像派，我趁林峯唔喺度，擸埋佢啲粉絲！」
狂妄頂撞導演
安仔於頒獎禮上亦「眼濕濕」感謝一對仔女的出現，使他拋開自大及驕傲等負面性格，安
仔自爆曾經將自大誤以為自信，當年性格「起晒弶」，曾大言不慚地與劇集導演「駁火」
，他說：「以前成敗得失都自己揹，產生嘅壓力就造成盲點。我試過同導演吵大鑊，企硬
唔合作，仲大言不慚咁話『我係要咁演，得唔得都由我負責』！我起晒稜角，結果令到為
件事好嘅人都受傷害。」幸好他結婚生子後悟出身教的重要性，決意執正自己為一對兒女
作榜樣。
靠家人愛包容
眼見兒女令安仔得以「重生」，問他會否打算再追B？安仔坦言未打算收爐：「睇緣分，
我同太太（歐倩怡）冇諗再生或唔生。依家湊兩個容易集中精神，將會為佢哋重新裝修屋
企半年。（如果再生Ｂ？）咁就要靠哥哥（郭令山）照顧佢喇。」提起愛妻，一臉冧爆的
安仔不禁再次感激她的包容及體貼：「演員靠情緒搵飯食，一失控就會任性。見到太太唔
出聲咁受晒（氣），我都難過自己唔成熟。佢之前同仔女拍咗條驚喜短片畀我，話我知屋
企由佢睇住同叫我安心工作。我感動到即刻打電話畀佢，冧到講唔到嘢！」
Source:
http://orientaldaily.on.cc/cnt/entertainment/20141220/00282_001.html
------------------
佘詩曼富婆求愛
佘詩曼出走無綫兩年強勢回歸，憑「釘姐」一角脫俗演技成為近期頒獎禮常客，攞獎攞到
手軟，正值事業高峰期的她有錢有地位，但卻獨欠身邊一位男主角，阿佘不諱言因此嚇窒
異性，她認為愛情中包含勇敢：「有呢樣嘢先係我值得去愛嘅人，我對另一半冇非凡要求
，可以溝通到就得。」至於有冇等緊她的男仔？她坦言：「傾得埋男性朋友有喺度，發展
到就未有，我一向憑感覺，如果向錢看一早嫁咗，對方有錢，但未去到值得我嫁嘅地步，
我知想搵自己鍾意嘅好難，錢我不缺，只係等緊個真心我去愛嘅人，但好難搵，搵錢易過
搵愛啦！」
呻冇時間拍拖
事隔八年再獲視后，相信對阿佘來說，現時人生的確很完美，問到下一步是否想嫁？阿佘
哈哈笑謂：「對普通人嚟講，完美人生係事業美滿，又有埋另一半就得，但呢樣嘢係咪可
以強求？其實好多嘢都身不由己，呢刻可以話係事業高峰期，點會冇嘢做，忙到咁邊有時
間去發展感情，起碼要過一排先得，但到嗰時呢個人又未必出現，所以要搵完美另一半唔
容易。」
閨蜜私房驚喜
談到近期威水史，阿佘也笑不攏嘴，透露當晚頒獎禮過後，驚喜一浪接一浪，她謂：「平
時一返屋企就會入房落妝，所以10個圈外好姊妹就匿埋喺房度，點知我因為着咗成日高踭
鞋好痛，返到去隻腳抽筋抽咗5分鐘，又喺廳搞一大輪先返房，佢哋等咗好耐，我一入房
真係畀佢哋嚇親，好驚嚇，之後就成班人食媽咪煮嘅大餐。」
阿佘更指有了8年前的經驗，今次攞獎未如上一次般激動，惟宣布一刻也會有點緊張。問
到現時揀戲會否更有要求？阿佘謂：「希望可以揀到部劇可以承接住《使》劇，令大家有
新鮮感。」
Source:
http://orientaldaily.on.cc/cnt/entertainment/20141220/00282_002.html
--
※ 發信站: 批踢踢實業坊(ptt.cc), 來自: 42.3.161.164
※ 文章網址: http://www.ptt.cc/bbs/HK-drama/M.1419034715.A.139.html