[新聞] 徐子珊賭愛事業輸得起

[wasabi1 (wasabi)]

徐子珊賭愛事業輸得起

從港姐冠軍躍身成無綫花旦的徐子珊，於愛情路上不斷尋覓，坦言一旦碰上心目中的「
the one」，會不惜放棄醉心的事業，豪氣指願意放下8年演藝光陰去換來餘生的幸福，這
場賭局定必下注！而被捧為今屆視后大熱，子珊直言壓力連連，要頻頻call朋友傾訴！

【充分準備 感動觀眾】
子珊最近憑《雷霆掃毒》一劇獲得不少觀眾的讚賞，不過在成功的背後，子珊下過不少苦
功去分析角色，務求以精湛的演技去感動觀眾。

拍之前我都有為角色做準備，我冇膽落酒吧睇拳手猜枚，朋友就送咗骰盅畀我自己喺屋企
練，而吸毒嘅戲份我都睇咗好多戲去模仿，到拍嗰時我覺得比想像中真實，電視尺度嚟講
都好大，不過套劇畀訊息大家唔好吸毒，係正面教材。記得我仲有去過美沙酮中心企咗幾
個鐘，了解道友點行路、講嘢、身體語言，睇完都用得着，會知道吸完毒反應係點。

實地觀察
喺拍攝嗰幾個月，基於角色冇咩機會笑，後來吸毒個樣仲肉酸，成件事好頹，我就keep住
呢個mood，呢套劇可以話係我演過以來最悲慘的人物，初頭驚觀眾唔接受，因為要佢哋為
你而傷心唔容易，我以往角色未必最討好，會覺得我所演嘅都唔會慘得去邊，所以我要做
好多嘢令角色加分，以前唔識分析角色，我好多謝監製肯畀我發揮。

【攞獎隨緣 但求開心】
子珊於2004年憑香港小姐冠軍的身份展開其演藝事業，其後更於電影圈奪新人獎，惟至今
未能一嘗封后的滋味，但子珊認為一切隨緣，最緊要是活得開心。

視后係咪我終極目標？之前攞過飛躍、電影新人獎，視后獎係香港電視圈子入面一個指標
，但唔係生命全部，連埋選港姐入行8年，呢一下得到認同當然係好！我對角色有信心，
真係唔同以往我演過的角色，大家睇到分別，但人生仲有好長路，唔只係追求獎項，唔通
攞唔到永遠唔使嫁咩！冇諗咁複雜，但求開心！開心的話退出唔退出冇分別，娛樂圈冇咗
我唔會死，我唔演戲都唔會死，雖然我好鐘意演戲，但亦都會選擇其他嘢令自己更加開心
。

紓緩壓力
近排真係太大壓力，好想釋放吓，好在之後有工作要飛去第二度，可以分散一下注意力，
同埋我都會搵朋友傾訴，佢哋都畀好多意見我，會令我有唔同睇法，感覺舒服啲，不過12
月都要開新劇，睇怕短期內都冇咩可能放假。其實我好想讀番書，過番啲久違咗嘅校園生
活。

【8年事業 捨得放棄】
入行8年的子珊今年被視為視后的熱門人選，不過對她來說，組織一個幸福的家庭比獎項
更重要，子珊更揚言甘願為愛情放棄其演藝事業。

女人都終歸要搵個好歸宿，就算事業有幾咁成功都係咁話，所以都要為將來打算，我唔會
做一世演員，依家等緊呢個人出現，其實本身我份人好依賴，工作上我可以好強，但將來
可以有個家庭，湊下baby，我唔介意放棄事業，只不過唔係呢一刻，因為都未搵到呢個人
，希望可以搵到啦！至於捨唔捨得？8年啫！可能到時我會有其他事業，做藝人係好被動
，將來發生咩事唔知o架！我放棄呢8年，可能呢個人畀到之後嘅幸福我呢！

要推動力
最近喺新劇《雷霆掃毒》演一個悲慘人物，知道外間反應唔錯，仲話我係視后大熱，令到
自己添加無謂壓力，我都想為支持我嘅人攞到一啲成績，獎項可能只係一舊嘢，但對演員
嚟講係一張成績表，有邊個唔想做得好有粒糖食吓，有推動力繼續做落去，呢部劇係幫我
好多，拍嗰時根本唔知幾時出，今年大家覺得有機會，我惟有珍惜啦！

太熟林峯冇晒fantasy
同林峯唔係第一次合作，除咗拍劇，中間有合作電影、演唱會，已經好熟悉呢個人，可能
大家已經冇fantasy，所以演情侶戲唔會尷尬，反而會幫到大家。今次同佢拍劇好多對手
戲，尤其係內心戲，前期感情戲到後期大家嗰種衝突，最終發覺最愛係大家，人生原來係
幾無奈，大家都配合得好好，阿峯以往角色斯文靚仔，反而今次爛撻撻效果又唔錯。

文：影視組

攝影：黎志輝

場地：Grand Central @ Elements

髮型：Maggie Law @ Kim Robinson

服裝：Chailie Ho Studio/Chloe Jiang
Source:
http://orientaldaily.on.cc/cnt/entertainment/20121103/00282_045.html

--
※ 發信站: 批踢踢實業坊(ptt.cc) 
◆ From: 42.3.162.131
→ wasabi1:大家壓力真的頗大...
推 lygshhk:其實我看完雷霆22集，有股衝動想上來推個文:
→ lygshhk:「撐Z3 扌羅 視后!」 但是想到楊怡也是很認真的演員
→ lygshhk:子珊這部表現真的很好!很認真! 但楊怡已經磨練到有氣場了
推 sweetyogurt:徐子珊可塑性很高~~推一個
推 ChiumaO:加油 撐子珊
→ KingKingCold:加油 除子衫
推 joycemei:子珊加油阿~雖然我撐楊怡先拿視后~但是z3也是好演員!
推 Sabine0127:雖然還沒追完不過推一個，對子珊印象越來越好了