[新聞] 徐子珊獲無綫厚待壓軸拉票 楊怡2500萬鑽

[wasabi1 (wasabi)]

徐子珊獲無綫厚待壓軸拉票 楊怡2500萬鑽飾裝身絕地反擊

《萬千星輝頒獎禮》將於明天舉行，今年視后兩大熱門楊怡及徐子珊戰況激烈，子珊在最
後一擊獲無綫「厚待」，今日將與拍檔林峯情侶檔作出終極拉票，相反已有一獎在手的楊
怡以平常心面對，但仍悉心備戰，更準備了價值2,500萬元的鑽飾迎戰！

文：娛樂組 圖：譚志光
 場地提供：TSL謝瑞麟

今年視后之爭比視帝更激烈，一眾候選人近日更出盡法寶拉票。向來屬「進取型」的徐子
珊日前還事先張揚已獲無綫高層梁乃鵬及樂易玲投票支持，似乎信心十足。由於頒獎禮於
明天（周一）舉行，無綫特別安排候選人今日亮相「壓軸全民投票大行動」作最後衝刺，
但有緣出席拉票的只有林峯、徐子珊及馬國明，其餘候選人未在出席名單內，楊怡則會現
身大埔聖誕活動，實行搵錢至上！

睇錢份上恨做視后

雖然楊怡以平常心面對「視后之爭」，但備戰工夫一點不馬虎，日前她專程到尖沙嘴珠寶
店為台慶頒獎禮試戴鑽飾。自嘲懶惰的她，每逢出席如《萬千星輝頒獎典禮2012》等盛事
，不論珠寶首飾或晚裝，都交由贊助商代勞。今年的台慶頒獎禮，楊怡獲TSL謝瑞麟贊助
近2,500萬元的鑽飾。身為視后大熱的她，笑言希望藉此鑽飾艷壓全場。

楊怡早前於馬來西亞《Astro我的最愛頒獎典禮》摘下「我的至愛女主角」獎，但她坦言
未為此增添壓力。問到若失落無綫「視后」會否失威？她笑言：「又唔覺失威喎！獎項唔
係呢個攞，就第二個攞，如果攞唔到，反而要反省自己有咩地方做得唔夠好。」她坦言若
最終登上視后寶座，壓力會更加大，因為觀眾的要求會變得更高。

楊怡笑道：「其實由細到大，我對獎項的敏感度都唔高，甚至乎抽獎咁，我買親六合彩都
係最多中一兩個字，所以而家對獎項都係抱平常心。」不過，一提到視后獎可令工作酬勞
增多，她便謂：「哈！我成日都話要搵錢，睇錢份上，我真係好想攞！」談到勁敵徐子珊
，楊怡說：「我入行以來都無同任何人傳不和，今次同子珊傳出爭獎，由佢啦！大家都唔
會信，其實我同子珊私底下係完全無事！」

謙仔攞獎更加開心

楊怡自言情緒起落很大，若得獎亦絕不會在台上激動得公開跟羅仲謙的戀情。她笑言：「
兩件事嚟！我同佢（羅仲謙）係順其自然，唔會刻意提，影到咪影，鍾意寫咩就寫咩。（
攞獎會否多謝羅仲謙？）傻啦！多謝佢咩先？我要多謝屋企人，最重要多謝經理人，咁多
年從來無放棄過我。」提到羅仲謙早前於大馬攞獎都有感激她，楊怡笑言：「我都唔知佢
多謝我咩！不過如果佢得獎，我會戥佢開心，多過我自己得獎。佢當時接拍《On Call 36
小時》經歷人生低潮，若佢得獎，就等如在事業上一個新開始。」

Source:
http://www.ihktv.com/tavia-25000000-diamond.html

黎耀祥努力拉票 鄭嘉穎偏心馬國明

祥仔唔認命 努力拉票

黎耀祥、林峯今年分別以劇集《大太監》、《雷霆掃毒》角逐視帝，獎項都被指乃二人之
爭，二人坦言都有信心，但對早前有指今年無綫一人一票選舉，乃希望造就林峯奪獎，林
峯無奈稱被抹殺用心演出；祥仔亦不諱言一人一票令候選藝人更緊張，自己也會繼續拉票
！

今年無綫採取一人一票投票形式選出觀眾心目中視帝，可說是黎耀祥與林峯之爭，有指林
峯多後生fans，故票源理應較着數，不過祥仔坦言並非必然，更有信心與林峯一鬥：「有
啲中產階級、專業人士可能會投馬國明呢！佢喺《On Call 36小時》個角色都非常討好，
所以我覺得今年呢個一人一票機制好好玩。」問是否真的覺得會公平，祥仔謂：「呢個世
界冇公平，乜嘢遊戲就跟乜嘢規則。一人一票最大優點就係計觀眾民意而唔係計收視，真
真正正由觀眾投出嚟。以前公司高層投票選出，唔到你拉票；依家得獎就只有一個理由，
就係觀眾鍾意你，身為候選人都會更緊張，我亦會繼續拉票。」

林峯

林峯被指擁有多fans故較着數，更有指一人一票乃無綫造就他奪視帝，林峯回應說：「
fans支持偶像好正常，但每次演出我都好用心，絕對唔係hea，咁講會抹殺演員嘅付出。
（咁你想唔想攞視帝？）既然攞唔攞都畀人講，咁梗係攞咗先，我都覺今年一個好嘅
timing。」

相信能打動觀眾

至於祥仔擔演的劇集《大太監》播至台慶前夕，祥仔被問到覺得會否更有優勝？他坦言：
「兩睇啦！每年梗有一啲着數，一啲唔着數，以前話早播唔着數，但有一樣嘢，如果近台
慶，有少少乜嘢瑕疵又會畀人挑剔。」問他覺得《大太監》是否真的能打動觀眾投他一票
時，他說：「我有信心，因為套劇不同時段都有感動位，我睇番都好感動。」不過，若要
撇除自己而選今年心目中視帝，祥仔坦言也看好林峯：「佢開始成熟，有自己一套獨特嘅
風格，呢樣嘢係林峯好成功之處。」

嘉穎偏心馬國明

「視帝」競爭激烈，「過來人」鄭嘉穎和陳豪感受至深，二人對今年爭獎沒甚信心，嘉穎
還笑言是戥人高興的一年，他說：「『視帝』呢個獎今年我都係戥人高興咋……咪當支持
兄弟囉！其實個個都有機會，黎耀祥就唔使講，年年都熱門，仲有林峯呢！不過偏心啲講
，就梗係馬國明啦！佢等《On Call 36小時》呢個劇好耐，加上佢剛喺馬來西亞贏得『視
帝』，所以我貼佢！」

陳豪志在參與

至於陳豪同樣稱今年志在參與，問這樣是否更輕鬆？他說：「我年年都係咁輕鬆！其實我
對獎項唔太看重，亦贊成一人一票，愈多人參與愈好，以前有電話投票我都好支持。（睇
好邊個攞『視帝』？）向來都係黎耀祥，今年都一樣！」

松哥倡分兩組頒獎

憑《名媛望族》角逐「視帝」的劉松仁，演技已是毋庸置疑，難怪他經已看淡獎項得失，
對於是次的「視帝」一獎，更早已聲言「捨棄」。

頒獎禮愈見逼近，松哥更加沒有信心，認為頒獎禮是年輕人世界，他輕鬆笑說：「我就冇
啦……我選我個仔馬國明（《名》劇內兩人飾演父子）！畀我揀都揀個後生啦！不過，就
個人意見，頒獎禮最好分兩個組別，一個係專家選，一個係公開投票就最全面喇。」

Source:
http://ppt.cc/7L0-
-----------------
頒獎禮明晚就是，誰會登基????

--
※ 發信站: 批踢踢實業坊(ptt.cc)
◆ From: 42.3.163.62
※ 編輯: wasabi1         來自: 42.3.163.62          (12/16 08:14)
推 lword:是"完全"由觀眾票選嗎? 要是頒完跟大眾投的有落差不是很尷尬
推 kzzoz80:l大不知道有"灌票"這個東西?XD
推 Blayne:子珊那個有點可笑 樂易玲也可以開分身投票啊...= =
推 Singord:這種不公開的票選 誰得獎 還不是都TVB自個玩 沒有公信力
→ Singord:以前很在意TVB視帝視后 後來發現每年炒作方式都一樣
→ Singord:一點意思也沒有 這種獎項就像是TVB忠心員工獎
推 Blayne:香港的問題是TVB獨大吧 希望電視牌照趕快發下來 多幾個電
→ Blayne:視台競爭 然後可以聯合舉行類似台灣金鐘獎的頒獎典禮 才
→ Blayne:會比較有公信力 不然根本是自己炒新聞用的假典禮
推 bs74:不管是誰得獎都會有話啦!頒獎禮像一場現場直播的綜藝節目囉!
推 lword:如果以後都給民眾決定 那林峰真的可以拿十座了吧
→ lword:所以我很懷疑TVB會完全民意化 應該還是有參雜高層意見
→ kingtou:chok峯視帝五連霸！！！