林峰遲到打機爭獎受阻
2008-10-14
【東方日報專訊】愈近台慶頒獎禮，爭獎的傳聞愈激烈。賽前被視為「視帝」大熱的林峯
，雖然佔盡天時地利人和，但有傳他拍劇期間經常遲到又掛住打機，被李司棋「篤背脊」
，為怕影響選情，林峯要密密請高層食飯來「箍獎」。
無綫台慶頒獎禮雖然改動了新賽制，但矚目的「視帝」、「視后」熱門人選變化不大。憑
大好人「管家仔」一角成為頭號熱門的林峯，早前出席任何活動時，雖然謙稱對獎項睇得
淡，但其實私下信心爆棚，胸有成竹。
請高層食飯箍獎
但最近有傳指他在拍《溏心風暴之家好月圓》時不但經常遲到，還無時無刻埋頭打機，連
對稿都唔見人。有傳「荷媽」李司棋看不過眼，向高層投訴，因而影響林峯選視帝的勝算
，嚇得他近日頻頻請高層食飯「箍獎」。
稱讚林峯冇機心
記者曾致電司棋姐查證，她雖否認投訴過林峯，但承認對方有打機。司棋姐說：「我冇同
高層投訴過，佢同我拍嘅範圍之內亦冇遲到過，佢係有打機，但唔影響工作。點解我之前
話佢成個細路仔咁，就係因為睇到佢喺廠度打機，係人都知，喺廠裏面打機上面啲人會睇
到晒，唔使人投訴都好清楚，上面見到會死嘅就唔打啦，但佢仍然喺廠打，證明佢係個冇
機心嘅人，所以我覺得係細路仔，唔計算，因為咁先同佢做朋友。」至於有說林峯請高層
食飯「箍獎」，司棋姐坦言：「我唔理呢啲，我自己就唔會做，獎嘅嘢順其自然，唔會搞
咁多小動作。」
當事人林峯聽到傳言時，立即認真的說：「求吓你咪玩我啦！你估我仲係細路咩？我喺呢
行做咗十年喇，每年到頒獎禮前就好多是是非非、好多傳言，其實我哋做演員，盡咗力就
算，只要套劇出街效果好已經好開心，最緊要係觀眾鍾意。」
文：影視組
--
※ 發信站: 批踢踢實業坊(ptt.cc)
◆ From: 118.168.199.38