心姐墮後面黑  徐子珊大側邊嬲爆

2010-10-22 忽然一周795期

我個都係中間位！（真實對白）

周一（ 18日），無綫舉行台慶亮燈儀式。每年呢個儀式，全台藝員雲集，睇排位就知邊
個吃香，邊個成為來年力捧對象，咁就梗係有人歡喜有人愁啦。第一個唔開心嘅人，就係
謝雪心。去年亮燈儀式，合拍《巾幗梟雄》嘅心姐與惠英紅同被安排企第三行，雙方平起
平坐。

點知事隔一年，憑電影《心魔》連奪七獎，早前傳簽無綫經理人約嘅小紅，排位形勢完全
將同係台慶女配角大熱嘅心姐拋離。

唔知係咪排位影響心情，之後心姐小紅坐埋一齊接受訪問時，全程零交流。事後媽咪姐問
心姐有冇因排位輸俾小紅唔開心？好識人情世故嘅佢猛咁話：「有份出席台慶亮燈儀式已
經好開心，我唔會計較呢啲嘢。」唉，人比人比死人，話冇嘢就假囉！

10年
今年小紅升上第二排，心姐反而跌落第四排，唔嬲就瓦燒。

09年，心姐同小紅喺第三排排排企，不分高低。

小紅一錄影完就由陳法拉陪住急急腳走。原來佢趕住去醫院探剛做完手術嘅阿媽。


徐子珊大側邊嬲爆

徐子珊今年終於升呢上第一排，但係大側邊，排位比死敵陳法拉（綠圈）差，佢成晚對住
鏡頭就強顏歡笑，鏡頭一影唔到佢就嬲爆爆。

另一個唔開心嘅係近年無綫點名力捧嘅姐仔徐子珊。等足三年，佢終於由 08年企第三行
，到今次可以企頭排，理應好開心。只可惜佢入廠至知道自己被編喺頭排最側嗰個位，即
時面色一沉。

當時前後排嘅人大部份埋晒位，媽咪姐睇住徐子珊埋位前瞄一瞄兩年前同佢一樣企第三行
嘅陳法拉企個位仲靚過自己之後，佢塊面更加黑過鑊底，除咗對住鏡頭交足戲笑吓，其餘
時間都係木無表情。

媽咪姐收到風，話今次排位係由盛傳即將一統製作部嘅曾勵珍統籌。而徐子珊就係珍姐嘅
死對頭樂易玲嘅愛將。所以，徐子珊有得企第一排，已經叫執到囉！

08年，徐子珊只係企第三排。


四大花旦 Best& Worst

嗱，事先聲明，唔係比併演技，而係講衣着啫！媽咪姐搵咗形象設計師評一評四大花旦汪
明荃、佘詩曼、鄧萃雯同陳法拉嘅衣着，睇吓老薑辣定後浪高。

汪阿姐

套衫簡單、自然、舒服，可以完全掩飾到佢身型嘅缺陷，睇起上嚟瘦啲。而且件衫由旗袍
領變奏出嚟，好啱阿姐嘅典雅氣質。

雯女

件衫好靚，但極蝦人着，要着得好睇真係要一啲肥肉都冇，先可以突顯到身型曲線。雯女
今次揀呢套衫都算合格，摩登有特色。

阿佘

套衫本身簡單有型，着得阿佘後生咗。但佢襯對唔夠貼腳嘅長 Boot，令成件事變得普通
，浪費咗件衫。其實佢只要着一對圖案顏色絲襪撞番起，襯番對高跟鞋，就會好有型

陳法拉

今次件衫都叫 ok，見到布料同手工都好靚，睇落舒服同簡單。不過佢着錯鞋，唔應揀黑
色，搞到上輕下重，佢應該着米色、古銅色或者金色鞋。

張學潤